Իլհամ Ալիևի ելույթը և  Բաքվի սպառազինական ցուցահանդեսի բացումը

Ադրբեջանի նախագահ՝ Իլհամ Ալիևն ասել է.«Եթե 1991 թվականին իմ հանգուցյալ հայրը լիներ իշխանության ղեկին, Ղարաբաղյան հակամարտությունը  տեղի չէր ունենա»:

Ադրբեջանի «Ազար Թաջ»  պետական լրատվական գործակալության հաղորդման համաձայն՝ Սումգայիթ քաղաքում «Հեյդար Ալիև»-ի անվան կենտրոնի բացման ելույթում, Իլհամ Ալիևը նշել է.«Եթե 1991 թվականին Հեյդար Ալիևը լիներ իշխանության ղեկին, երբեք Ադրբեջանը խնդիրների առջև չէր հայտնվի, քաղաքացիական պատերազմ տեղի չէր ունենա այս երկրում և մեր տարածքները չէին օկուպացվի»:

Բաքվի կառավարությունը  համոզված է, որ  1991 թվականին երկու հարևան և թշնամի երկրների անկախությանը հաջորդած տարիների ընթացքում  չնայած Հայաստանի հետ Ադրբեջանի բախումներին, այդ երկրի անվտանգության ապահովումը այն էլ մեկ միլիոն քաղաքացիների տարագրությամբ, հնարավոր չէր: Սակայն Հեյդար Ալիևը կարողացավ ապահովել Ադրբեջանի անվտանգությունը, թեև շատերը Բաքվի այդ տեսակետը  չափազանցված են համարում:

Հարկ է նշել ,որ Ադրբեջանի տարածքների մի մասը Հեյդար Ալիևի նախագահության օրոք է գրավվել Հայաստանի կողմից: Հեյդար Ալիևն իր կենդանության օրոք  հօգուտ իր իշխանության, վերջ տվեց երկու  ներքին պատերազմների:

Այսօր Բաքվում իր աշխատանքն է սկսել ադրբեջանական պաշտպանական արդյունաբերության երկրորդ միջազգային ADEX-2016 ցուցահանդեսը:

Ցուցահանդեսին մասնակցել են 34 երկրի 216 ընկերություններ և 19 երկրի 25 բարձրաստիճան  պաշտոնյաներ: Ադրբեջանն այդ ցուցահանդեսում  ի ցույց է դրել 260 տեսակ զինտեխնիկա:

Ադրբեջանի պաշտպանական արդյունաբերության նախարար Յավեր Ջամալովը ցուցահանդեսի բացման խոսքում ասել է.«Բաքվի կառավարությունը աշխարհի սպառազինական խոշոր ընկերությունների հետ բանակցություններ է վարում 280 կմ հեռահարությամբ հրթիռներ արտադրելու նպատակով:

Անդրադառնալով Ադրբեջանի «Զարբե» կոչվող անօդաչու թռչող սարքի շնորհանդեսին , Յավեր Ջամալովը  նշել է.« Այս սարքը դարձել է մղձավանջ Հայաստանի համար:

Ադրբեջանի պաշտպանական արդյունաբերության նախարարությունը պատվիրել է հարյուրավոր անօդաչու թռչող սարքեր  արտադրել և առաջիկա օրերին կստորագրվի համապատասխան պայմանագիրը:  

Ավելի վաղ Ադրբեջանի բանակի հրետանային ու հրթիռային միավորնռրի հրամանատար՝ Գեներալ Զահեդ Հոսեյնովը հայտարարել է, որ բանակցություններ են ընթանում 500 կմ հեռահարությամբ բալիստիկական հրթիռներ գնելու համար:

Փորձագետները հաշվի առնելով հայ-ադրբեջանական հակամարտությունը, Ադրբեջանի կողմից սպառազինական գնումները բնական են համարում: Որոշ փորձագետներ ասում են, որ Ղարաբաղյան հակամարտության կարգավորման շուրջ ապարդյուն բանակցությունները Բաքվին մղում են պատերազմի:

2003 թվականին Իլհամ Ալիևի իշխանության գալուց ի վեր, Բաքվի կառավարությունը ամեն տարի ավելացրել է իր ռազմական բյուջեն: Նման պայմաններում կարելի է ասել ,որ փաստորեն Բաքուն իր միլիտարիզմով ոչ մի ելք չի թողնում Երևանի համար, միթե Հայաստանն էլ քայլեր ձեռնարկի  իր ռազմական ամրապնդման ուղղությամբ: