Սաուդյան Արաբիայի ծովային զորավարժությունը և Ռիադի միլիտարիզմը
Սաուդյան Արաբիան հոկտեմբերի 2-ին Պարսից ծոցում, Հորմոզի նեղուցում և Օման ծովում սկսել է «Պարսից (ծոց) վահան-1» զորավարժությունը: Ռիադն այն դեպքում է իր զորավարժությունն սկսել ,երբ վերջին ամիսներին երկրի ներսում, տարածաշրջանում ու աշխարհում դիմագրավում է բազում խնդիրների:
Սա 2016 թվականի ընթացքում Սաուդյան Արաբիայի երկրորդ զորավարժությունն է : Սաուդյան Արաբիան 2016 թվականի փետրվարին 18-օրյա զորավարժություն անցկացրեց 25 արաբական ու աֆրիկյան երկրների և 350 հազար զինծառայողների ու հարյուրավոր տանկերի ,ուղղաթիռների ու կործանիչների մասնակցությամբ:
Չինաստանից ու ՌԴ-ից հետո , Սաուդյան Արաբիան համարվում է աշխարհի ռազմական ամենամեծ բյուջե ունեցող երրորդ երկիրը: 2014 թվականին սպառազինության ներկրման առումով Ռիադը գերազանցեց Հնդկաստանին : Այնուհետև, 2015 թվականի մարտին պատերազմ սկսեց Եմենի դեմ: Այժմ 19 ամիս է անցնում այդ պատերազմից:Սիրիայի հնգամյա ճգնաժամում Սաուդյան Արաբիան մեծ գումարներ է ծախսել ֆինանսավորելով այս երկրի համակարգին ընդդիմացող ահաբեկչական խմբավորումներին:
Սաուդյան Արաբիայի զինծառայողները 2011 թվականի փետրվարից ներկա են Բահրեյնում:
Այդ բոլոր քայլերը ,այդ թվում զորավարժության անցկացումը ցույց են տալիս ,որ միլիտարիստական ռազմավարությունը Սաուդյան իշխանության գերակայությունն է, ինչի համար այդ երկիրը մեծ ծախսեր է անում: Սաուդյան Արաբիան հայտնվել է բյուջեի դեֆիցիտի առջև,որը կազմում է մոտ 90 միլիարդ դոլար:
Եմենի պատերազմից մոտ 19 ամիս անց, այդ պատերազմում Սաուդյան Արաբիայի հաղթանակի նշույլ չկա և օրըստօրե ավելանում են Ռիադին ուղղված քննադատություները կապված այդ պատերազմի և մարդկային աղետի ծագման հետ:
Սաուդյան Արաբիային քննադատում են ողջ աշխարհում: Վերջին դեպքը ԱՄՆ-ի ներկայացուցիչների պալատի և Սենատի հակասաուդական որոշումն էր:
Այժմ հարց է ծագում, թե սաուդյան իշխանավորները չնայած երկրի ներսում, տարածաշրջանում ու աշխարհում ունեցած խնդիրներին , ինչու են շարունակում իրենց միլիտարիստական քայլերը: Այս հարցի պատասխանը սա է.«Չնայած երկու տարի է անցել Մալեք Սալմանի ու նրա թիմի իշխանության գալուց , սակայն այդ երկրի կառավարությունը դեռևս չի կարողանոմ ընկալել քաղաքական ու ռազմավարական սպառնալիքները»: