Երևանում գումարվեց ՀԱՊԿ գագաթնաժողովը
Երևանում գումարված ՀԱՊԿ մեկօրյա գագաթնաժողովը մի հաղորդագրության հրապարակմամբ ամփոփեց իր աշխատանքը: Գագաթնաժողովը գումարվեց Հայաստանի նախագահությամբ:
Երևանյան գագաթնաժողովին մասնակցեցին Ռուսաստանի, Հայաստանի, Բելառուսիայի, Ղրղզստանի ու Տաջիկստանի նախագահները և Ղազախստանի վարչապետը:
Գագաթնաժողովի եզրափակիչ հաղորդագրության մեջ ՀԱՊԿ-ի անդամ երկրներն ընդգծելով պայմանագրի անդամ երկրների սահմանների հարևանությամբ հակահրթիռային համակարգեր հաստատելու ԱՄՆ-ի միակողմանի քայլերի բացասական հետևանքները, մտահոգություն հայտնեցին այդ կապակցությամբ: Հաղորդագրության մեջ նաև ընդգծվել է քաղաքական ու դիվանագիտության միջոցներով ԼՂ-ի հակամարտության խաղաղ կարգավորման անհրաժեշտությունը: Երևանի գագաթնաժողովի ընթացքում մասնակիցները ստորագրել են համաձայնության 24 փաստաթղթեր: Դրանցից է մինչև 2025 թվականը կազմակերպության ռազմավարության, ինչպես նաև ճգնաժամային պայմաններում արագ արձագանքման կենտրոնի ստեղծման մասին համաձայնությունը: ՀԱՊԿ-ի անդամ երկրների հաստատմամբ կազմակերպության նախագահությունը հաջորդ տարի փոխանցվելու է Բելառուսիային: ՀԱՊԿ-ի կենտրոնը գտնվում է Մոսկվայում:
Փորձագետների համոզմամբ, ՀԱՊԿ-ի եզրափակիչ հաղորդագրությունը վկայում է ԱՄՆ-ի տարածամոլության դեմ պայքարի հարցում ՀԱՊԿ-ի անդամ երկրների միասնականության մասին: ԱՄՆ-ն ընդգծում է արևելյան Եվրոպայում Ռուսաստանի հետ սահմանակից որոշ երկրներում ռազմաբազաների տեղակայման անհրաժեշտությունը: Մոսկվայի իշխանություններըհայտարարում են, որ ԱՄՆ-ի այս քայլը նպատակ ունի հարվածել Ռուսաստանին: Երևանյան գագաթնաժողովի եզրափակիչ հաղորդագրության մեջ անդամ երկրները անդրադարձել են նաև հայ-ադրբեջանական հակամարտությանը:
Այս կապակցությամբ փորձագետները ԼՂ-ի հակամարտության խաղաղ կարգավորման վրա դրված շեշտը կողմնակի կերպով Հայաստանի դիրքորոշման հովանավորում են համարել: Նկատի առնելով ՀԱՊԿ-ում Ռուսաստանի ազդեցությունը, հայ-ադրբեջանական հակամարտության շրջանակում կարելի է քննարկել նաև ՀԱՊԿ-ի գլխավոր քարտուղարի ընտրության հետաձգումը, որը ռոտացիոն կարգով պիտի հանձնվի Հայաստանի ներկայացուցչին:
ՀԱՊԿ-ը հիմնադրվեց 1992 թվականին Ռուսաստանի, Հայաստանի, Բելառուսիայի, Ղազախստանի, Ղրղզստանի, Տաջիկստանի, Ուզբեկստանի, Ադրբեջանի ու Վրաստանի մասնակցությամբ: Հիշյալ երկրները 2002 թվականին ռազմական դաշինք ստեղծելու որոշում ընդունեցին: Հետագաում դաշինքից հեռացան Ադրեջանը, Վրաստանն ու Ուզբեկստանը: Կազմակերպությունը 2004 թվականի դեկտեմբերի 2-ին ընտրվեց ՄԱԿ-ի դիտորդ անդամ : Կազմակերպությունը նպատակ ունի պայքարել ՆԱՏՕ-ի դեպի արևելք ծավալման ու նաև Ռուսաստանի հարևան երկրներում ԱՄՆ-ի ազդեցության ընդլայնման դեմ: