Իրանն ընդգծում է ատոմային զենքից զերծ աշխարհ կերտելու անհրաժեշտությունը
Վիեննայում Միջուկային անվտանգության միջազգային համաժողովում ունեցած ելույթի ժամանակ, Իրանի ատոմային էներգիայի կազմակերպության ղեկավար՝ Ալի Աքբար Սալեհին ընդգծել է.«Իրանի իսլամական հանրապետությունը համարվում է աշխարհն ատոմային զենքերից մաքրելու գաղափարի համառ կողմնակիցներից»:
Համաժողովում ընդգծելով միջուկային զենքերից զերծ Միջին Արևելք ստեղծելու , միջուկային զենքի չտարածման պայմանագիրն ընդհանրացնելու և միջուկային զենքերն ամբողջությամբ վերացնելու անհրաժեշտությունը, Սալեհին նշել է.«Իսրայելի ռեժիմի միջուկային ծրագիրը մտահոգիչ է և փաստորեն սպառնալիք է՝ ուղղված տարածաշրջանային ու միջազգային անվտանգության դեմ»:
Միջուկային անվտանգության միջազգային համաժողովն այն դեպքում է կայացել, երբ աշխարհում հազարավոր ատոմային մարտագլխիկների գոյության վտանգը ստվեր է նետել երկրագնդի անվտանգության վրա: Այնուամենայնիվ այդ զենքերի տեր երկրները միլիարդավոր դոլարներ են ծախսում իրենց ատոմային զենքերի արդիականացման համար: Իսրայելի ռեժիմը ԱՄՆ-ի, Ֆրանսիայի ու Բրիտանիայի օգնությամբ իր տրամադրության տակ ունի հարյուրավոր ատոմային մարտագլխիկներ: Իսրայելը միակ ռեժիմն է Միջին Արևելքում, որն ունի ատոմային զենք:
ԱՄՆ-ն Իսրայելի ռեժիմին պաշտպանելու նպատակով թույլ չտվեց «Միջին Արևելքը առանց միջուկային զենքի» թեմայով համաժողով անցկացնել: Ընդսմին Չմիավորման շարժումը 120 անդամ երկրներով բազմաթիվ հաղորդագրություններում իր հովանավորությունն է հայտնել միջուկային և այլ զանգվածային կոտորածի զենքերից զերծ Միջին Արևելք ստեղծելու կապակցությամբ, սակայն զինաթափման պայմանագրի իրագործման հարցում ԱՄՆ-ի վարած երկստանդարտ քաղաքականությունների պատճառով , մինչ այսօր այդ կապակցությամբ ոչ մի քայլ չի արվել :
Աշխարհի ատոմային ամենախոշոր զինանոցները պատկանում են ԱՄՆ-ին:Այդ երկիրն ունի այնքան ատոմային զենք ,որ այն կբավարարի երկրագունդը մի քանի անգամ ոչնչացնելու համար: ԱՄՆ-ն բուռն կերպով պաշտպանում է Իսրայելի ատոմային զենքը: Այդ երկիրն առաջին ատոմային ռեակտորը նվիրեց Սիոնիստական ռեժիմին: Այն գտնվում է Թել Ավիվի հարավում~ Միջերկրական ծովի ափամերձ տարածքում: Ատոմային ռեակտորը շահագործման է հանձնվել 1960 թվականին: Իսրայելի և Ֆրանսիայի համագործակցությունը մեկնարկեց 1953 թվականին: Այդ համագործակության արդյունքում օկուպացված տարածքներում կառուցվեց Դիմոնա ատոմակայանը: Իսրայելի միջուկային հարցերի մասնագետ
Անտարակույս ատոմային զենքերից ազատվելու միակ ելքը դրանց ամբողջությամբ ոչնչացումն է, սակայն հիմնական խնդիրը այն հայեցակետերն են, որ ռազմական դոկտրինան կենտրոնացրել են միջուկային զենքի օգտագործման ու պահպանման վրա:
ԻԻՀ նախագահ՝ Հասան Ռոհանին երեք տարի առաջ ՄԱԿ-ում կայացած միջուկային զինաթափման համաժողովում ասել էր.«Ոչ մի ժողովուրդ չպետք է միջուկային զենք ունենա: Եկեք միջուկային զենքի փոխարեն մեր ֆինանսական ռեսուրսները հատկացնենք աղքատության , անգրագիտության և հիվանդությունների վերացմանը և երկրի զարգացմանն ու առաջադիմությանը: Եկեք գալիք սերունդներին հիշատակ թողնենք միջուկային զենքերից զերծ մի աշխարհ... Սա նրանց իրավունքն է և մեր պարտականությունը»: