Իսրայելում քաղաքացիները հայտնվել են միջուկային ճառագայթման վտանգի տակ
Իսրայելի Դիմոնայի ատոմակայանում աշխատող 170 մարդ միջուկային ճառագայթման պատճառով տառապում է քաղցկեղից:
Սիոնիստական «Ալյոմ» թերթը հրապարակել է մի հոդված, որում նշել է,որ Իսրայելի իշխանությունները համաձայնել են հատուցում վճարել Դիմոնայի ատոմակայանում աշխատող 170 իսրայելցիների ,որոնք տառապում են քաղցկեղից:
Սիոնիստական շրջանակները խոստովանել են , որ Դիմոնայի ատոմակայանում աշխատելու հետևանքով, այդ մարդիկ հայտնվել են նման ծանր վիճակում : Այդ ատոմակայանի մի շարք աշխատողներ ավելի վաղ մահացել են անհայտ հիվանդությունների պատճառով:
Իսրայելցի փորձագետները բազմիցս նախազգուշացրել են, որ Դիմոնայի ատոմակայանը կարող է աղետի պատճառ դառնալ: Իսրայելի հանրային ռադիոյին տված հարցազրույցում , Սիոնիստական ռեժիմի ատոմային էներգիայի կոմիտեի անդամ Աուզի Իբենը նշել է, որ ատոմակայանը հնացել է, այդ պատճառով էլ վթարի հավանականությունը բավականին մեծ է: Իսկ ճառագայթների արտահոսքի դեպքում սպառնալիքի տակ կհայտնվի ամբողջ տարածաշրջանը: Նա ընդգծել է Դիմոնայի ատոմակայանի փակման անհրաժեշտությունը, քանի որ ատոմակայանում առկա է անսարքության ավելի քան 1500 դեպք: «Ատոմակայանը պետք է փակել: Այն շատի հին է և դարձել է սպառնալիք Ալ Նաղաբի տարածքի արաբ բնակիչների և շրջակա միջավայրի համար». ասել է Սիոնիստական ռեժիմի ատոմային էներգիայի կոմիտեի անդամը :
Դիմոնայի ատոմակայանը կառուցվել է 1950-ական թվականների վերջերին, Պաղեստինի բռնագրավված տարածքներում, Իսրայելի ռեժիմի խնդրանքով և Ֆրանսիայի աջակցությամբ: Ֆրանսիայի այդ ժամանակվա նախագահն էր գեներալ Դը Գոլը:
Դիմոնայի ատոմակայանի արդյունավետ կյանքը 30 տարի է գնահատվել, սակայն այդ ժամկետից անցել է շատ ավելին: Եվ ներկայումս Սիոնիստական ռեժիմի հնացած ատոմակայաններից ռադիոակտիվ նյութերի արտահոսքը մեծ վտանգ է ներկայացնում: Սիոնիստական ռեժիմն ԱՄՆ-ի հովանավորությամբ գաղտնի գործունեություն է ծավալում և պատրաստ չէ միանալ միջուկային զենքի չտարածման պայմանագրին (NPT) :
Այս ռեժիմը օկուպացված Պաղեստինում ատոմային ու քիմիական զենքեր արտադրելով ու կուտակելով, Միջին Արևելքը վերածել է զանգվածային կոտորածի զենքերի պահեստի և լուրջ վտանգ է ներկայացնում աշխարհի ու տարածաշրջանի համար:
Սիոնիստական ռեժիմը առ այսօր ՄԱԳԱՏԷ-ին թույլ չի տվել ստուգումներ անցկացնել իր միջուկային օբյեկտներում: Սիոնիստական ռեժիմի ոչ միայն զավթողական քայլերը ,այլև միջուկային աղտոտվածությունն էլ լուրջ խնդիրներ են առաջացրել Միջին Արևելքի տարածաշրջանի համար, ինչից տուժել են նույնիսկ օկուպանտ ռեժիմի քաղաքացիները:
Սիոնիստական ռեժիմի քայլերը վկայում են այն մասին ,որ այդ ռեժիմը իր զավթողական ու տարածամոլական ցանկությունների իրականացման համար պատրաստ է ամեն ինչի: Այդ ռեժիմին նույնիսկ չի անհանգստացնում իր քաղաքացիների առողջության դեմ ուղղված վտանգը, ինչը վերջինիս հակամարդկային քաղաքականությունների խորքն է ցույց տալիս:Նման վերաբերմունքի հետևանքով, Իսրայելի քաղաքացիները բողոքի ալիք են բարձրացրել իրենց ղեկավարներիի դեմ։ Իսրայելի քաղաքացիների ու ղեկավարների միջև բացված ճեղքվածը ավելի է մեծանում:
