Իրաքում ազատագրման գործողությունների ներքո ԻԼԻՊ-ի օրերը հաշված են
Իրաքի վարչապետ և ԶՈՒ գլխավոր հրամանատար Հեյդար Ալ Էբադին հրապարակել է մի հաղորդագրություն, որում հայտարարել է, որ Քերքուք նահանգի Ալ-Հուվեյջա քաղաքի ազատագրման և այն ահաբեկիչներից մաքրելու առաջին փուլը մեկնարկել է:
«Իրաքյան ուժերը միաժամանակ մի քանի ուղղություններով մարտեր են իրականացնում: ԻԼԻՊ-ի ահաբեկիչներն արդեն ճաշակել են պարտության դառը համը», ընդգծել է Ալ-Էբադին:
ԻԼԻՊ ահաբեկչական խմբավորմանը հաշված օրեր են մնացել Իրաքում: Խմբավորումը քաջ գիտակցում է ,որ մոտեցել է իր վախճանն այդ երկրում , ուստի իր ոճրագործություններն ուժեղացրել է` Իրաքում կատարյալ պարտությունից խույս տալու համար: Վերջին շաբաթների ընթացքում ԻԼԻՊ-ն ուժգնացրել է իր ոճրագործությունները: Ելնելով այս նկատառումներից և ԱՄՆ-ի գլխավորած այսպես կոչված ահաբեկչության դեմ պայքարի միջազգային կոալիցիայի խափանարարություններից , իրաքցիները ԻԼԻՊ-ի տեղաշարժերը սանձելու համար թափ են հաղորդել խմբավորման կողմից բռնագրավված մնացած տարածքների ազատագրման գործողություններին:
Վերջին շաբաթներին Իրաքում հակաահաբեկչական գործողություններն ծավալվել են այն դեպքում երբ կարճ ժամանակ է անցել Իրաքի Մոսուլ քաղաքն ահաբեկիչներից ամբողջությամբ մաքրագործելուց: Իսկ դա վկայում է, որ մեկնարկել է տարածաշրջանում ԻԼԻՊ-ի ժամանակի հետհաշվարկը : Նման մթնոլորտում իրաքցիների կողմից Ալ-Հուվեյջայի ազատագրման գործողությունները մեկնարկել են ԻԼԻՊ-ին վերջնականապես հաղթելու համար:
Առաջին հայացքից՝ Ալ-Հույվեյջայի ազատագրման նշանակությունը ԻԼԻՊ-ի վերահսկողության տակ գտնվող տարածքների ազատագրմանը թափ հաղորդելու մեջ է: Այս քաղաքը մեծ նշանակություն ունի նաև բնակչության թվի, աշխարհագրության և գյուղատնտեսության առումով: Փաստորեն Ալ-Հուվեյջա քաղաքի ազատագրումը կհամալրի Իրաքի ամբողջական տարածքի ազատագրմանն ուղղված ջանքերի շրջանակում ԻԼԻՊ-ին հաղթելու օղակները:
Ալ-Հուվեյջա քաղաքի ազատագրման մյուս նշանակությունն այն է, որ այս քաղաքը, որպես Քերքուք նահանգի ռազմավարական նշանակություն ունեցող մի հատված, վերջ կդնի Դիալե, Սալահեդդին , Քերքուք և Նինվե նահանգների միջև ընկած տարածքներում ԻԼԻՊ-ի սպառնալիքներին ու հարձակումներին: Այն մեծ նշանակություն ունի նաև անվտանգության ու ռազմական ինչպես նաև քաղաքական ու քարոզչական առումով էլ :
Ալ Հուվեյջա քաղաքի ազատագրմանն ուղղված Իրաքի գործողություններին թափ հաղորդելու մյուս կարևոր գործոնն Իրաքի կառավարության ու ԶՈՒ-ի ջանքերն են Իրաքից Քուրդստանի տարածքի անջատման հանրաքվեն կանխելու համար:
Քերքուք նահանգը Հանրաքվեի կողմնակիցներին միացնելու ուղղությամբ կատարված քայլերը ցույց են տալիս, որ Քուրդստանի անջատման հարցը ավելի բարդ է, քան ենթադրվում է: Ալ-Հուվեյջա քաղաքն ազատագրելու Իրաքի կառավարության ջանքերն ուղղված են Իրաքի մասնտաման նպատակով կատարվող քայլերի ձախողմանը:
