Իրաքի Քուրդստանի անջատման հանրաքվեն տեղի է ունեցել սպառնալիքների և վախի մթնոլորտում

Իրաքյան Քուրդստանի պաշտոնատարները տարբեր խաբուսիկ հնարքներով և կեղծ քարոզչություններով փորձում են բարձրացնել այդ տարածքի անջատման հանրաքվեի մասնակիցների թիվը:

Սակայն փաստերը վկայում են, որ  այդ անօրինական հանրաքվեի անցկացումը տեղի է ունեցել տարածաշրջանի քուրդ բնակչության անտարբերության և սպառնալիքի ու վախի մթնոլորտում: 

 Այդ կապակցությամբ Իրաքի վարչապետ Հեյդար Ալ-Էբադին հայտարարել է, որ ստացված հաղորդումների համաձայն` Արբիլի իշխանությունները սպառնալիքի միջոցով քվեատուփերի մոտ են բերել քուրդ քաղաքացիներին:

Իրաքյան ԶԼՄ-ները հաղորդել են, որ փիշմերգե ուժերը Իրաքի քրդաբնակ որոշ տարածքների բնակչությանը սպառնացել են, որ եթե չմասնակցեն հանրաքվեին, բռնագաղթի կենթարկվեն:

Իրաքի նախկին Ռեժիմի բռնապետ Սադդամ Հոսեյնի դատարանի փաստաբան Մոնիր Հադադը ևս ընդգծել է, որ Քերքուք և Սոլեյմանիա նահանգներում  հանրաքվեին մասնակցել են բնակչության միայն 20 տոկոսը: 

Չնայած միջազգային հանրությունը դեմ էր Իրաքի Քուրդստանի տարածքի անջատման հանրաքվեի  անցկացմանը, սակայն տարածքի ղեկավար Մասուդ Բարեզանիի անձնական ցանկությամբ և կուսակիցների պնդմամբ, սեպտեմբերի 25-ին այն տեղի  ունեցավ : Բարեզանիի այս քայլը արժանացել է Իրաքի կենտրոնական իշխանության հակազդեցությանը, քանի որ դա համարվում է Իրաքի սահամանդրության խախտում: 

Իրաքի կառավարությունը և խորհրդարանը, ՄԱԿ-ի Գլխավոր քարտուղարը, տարածաշրջանի և  եվրոպական երկրներն ու ԱՄՆ-ն, ընդգծելով Իրաքի տարածքային ամբողջականության պահպանումը, դատապարտել են Բարեզանիի այդ քայլը և հայտարարել են, որ  Իրաքի Քուրդստանի տարածքի անջատման հանրաքվեն և դրա արդյունքները հակասում են երկրի  սահմանադրությանը:

Անկասկած Մասուդ Բարեզանիի այդ քայլը, որով նա Իրաքի Քուրդստանի բնակչությանը ստիպել է մասնակցել  հանրաքվեին, այն էլ վախի ու սպառնալիքի մթնոլորտում, հիշեցնում է  Սադամ Հոսեյնի բաասական ռեժիմի ժամանակ  վախի ու սպառնալիքի մթնոլորտում կայացող ընտրությունները, որի ընթացքում ռեժիմը փորձում էր ցանկացած նպատակներին հասնելու համար կեղծել ընտրությունների արդյունքները: 

Իրաքցի մի խումբ քաղաքական գործիչների և շրջանակների կարծիքով, Մասուդ Բարեզանիի բռնապետական քայլերը, և  թույլ տված քաղաքական սխալները, պատճառ կդառնան, որ նա ևս արժանանա Իրաքի նախկին բռնապետ Սադամ Հոսեյնի ճակատագրին:  

Մասուդ Բարեզանիի անօրինական քայլերը  վտանգավոր հետևանքներ կարող են ունենալ Իրաքի քուրդերի համար: 

Իրաքի Քուրդստանի տարածքում անվտանգության մթնոլարտ  և արտակարգ պայմաններ ստեղծելը վտանգավոր խաղ է որը  Բարեզանին սկսել է Իրաքում:

Իրաքի Քերքուքի տարածքում քուրդ պաշտոնյաների կողմից ռազմական իշխանություն հաստատելու ուղղությամբ վերցրած քայլերը  վկայում են այդ վտանգավոր պայմանների մասին: 

Իրաքյան Քուրդստանի անջատման քանրաքվեին մեծ թվով բնակչության մասնակցությունը ներկայացնելու   մասին Բարեզանիի քայլերը և հանրաքվեի արդյունքները չեն կարող որևէ ազդեցություն ունենալ այն իրականության վրա, որ այդ հանրաքվեն հակասում է Իրաքի սահմանադրությանը և խախտել է միջազգային օրենքները: