Մյունխենյան անվտանգության կոնֆերանսը և համաշխարհային անվտանգության բացասական հեռանկարը
Կիրակի փետրվարի 18-ին իր աշխատանքն ավարտեց Մյունխենի անվտանգության 54-րդ կոնֆերանսը: Համաշխարհային խաղաղության առումով կոնֆերանսի արդյունքները բացասական են գնահատվում:
Մյունխենյան կոնֆերանսը գումարվում է համաշխարհային խաղաղության ու անվտանգության մասին խորհրդակցելու և մտքեր փոխանակելու նպատակով: Գերմանական մամուլը գրել էր. «Կոնֆերանսը, որ պետք է մտածեր աշխարհի անվտանգության մասին, ինքը դարձավ անապահովության հարթակ: Կոնֆերանսի նախագահ Վոլֆգանգ Իշինգերը բացասական է արտահայտվել ստացված արդյունքների մասին, ասելով.«Մենք գիտենք, թե աշխարհում ինչպիսի սխալ կողմնորոշումներ կան և ինչից պետք է զերծ մնալ: Սակայն մեր գիտելիքները չեն բավարարում այս բացասական իրադրությունը լուսավորելու որոշակի քայլերի համար»:
Մյունխենյան եռօրյա կոնֆերանսին մասնակցել էին հինգ մայրցամաքների հարյուրավոր պետայրեր ու փորձագետներ: Անվտանգության կոնֆերանսը անվտանգության ոլորտի կարևորագույն միջոցառումներից էր, որը գրավում է րքաղաքական ու մեդիա շրջանակների ուշադրությունը: Տարբեր երկրների պետայրեր ու փորձագետներ իրենց տեսակետներն են հայտնում համաշխարհային խաղաղության ու անվտանգության մասին: 2018 թվականի կոնֆերանսին քննարկվել են ամենատարբեր հարցեր ՝ Ատլանտյան օվկիանոսի երկու կողմերի դաշնակիցների, ինչպես նաև ՆԱՏՕ-ի անդամների միջև տարաձայնություններից մինչև Ռուսաստանի և Արևմուտքի միջև լարված կապերը և միջինարևելյան ճգնաժամին առնչվող հարցեր:
Գերմանիայի ԱԳ նախարար Զիգմար Գաբրիելն իր ելույթում խոստովանել է. «Մենք չենք ճանաչում այսօրվա Ամերիկային»: Նա խոստովանել է, որ Եվրոպայի և ԱՄՆ-ի միջև խորը անջրպետ գոյություն ունի: Նշելով, որ այսօր աշխարհը հայտնվել է անդունդի առջև, Գերմանիայի ԱԳ նախարարն ընդգծել է Եվրոպայի դերակատարությունը մեծացնելու անհրաժեշտությունը:
Կոնֆերանսի նախագահ Վոլֆգանգ Իշինգերը քննադատական խոսեց Թրամփի մասին՝ ասելով. «Թրամփը ոչ միայն սպառնալիքի, այլև զենքի ուժով է փորձում վերականգնել ԱՄՆ-ի ժանդարմի դերը, մինչդեռ տարիներ է, ինչ այդ երկիրը զրկվել է նման դերակատարությունից»:
ԱՄՆ-ը և Սիոնիստական ռեժիմը կոնֆերանսը դարձրել են ատելություն սերմանելու և մյուս երկրներին ՝ այդ թվում ԻԻՀ-ին սպառնալու հարթակ: Ազգային անվտանգության հարցերով ԱՄՆ-ի նախագահի խորհրդական Մաք Մաստերը և Սիոնիստական ռեժիմի վարչապետ Բենիամին Նեթանյահուն փորձեցին Իրանին որպես սպառնալիք ներկայացնել, առաջ քաշելով անհիմն մեղադրանքներ, որոնք ԶԼՄ-ներում լայն արձագանք գտան: Անհիմն հայտարարություններին պատասխանեց ԻԻՀ ԱԳ նախարար Մոհամմեդ Ջավադ Զարիֆը: Իսկ ԱՄՆ նախկին պետքարտուղար Ջոն Քերիի այլ դիրքորոշումը գնահատվեց որպես ԱՄՆ-ի ղեկավարությում անհամաձայնության առկայություն: Հակառակ ԱՄՆ կառավարությանը Քերին կարևորեց միջուկային համաձայնության պահպանումը:
Կոնֆերանսի երրորդ օրը Իսրայելի ռեժիմի վարչապետը մի կտոր երկաթ հանելով, հայտարարեց, որ դա Իրանի ԱԹՍ-ի մի մասն է և շարունակեց սպառնալ ԻԻՀ-ին: Նրան պատասխանելով, ԻԻՀ ԱԳ նախարարը նրա ելույթը որակեց բեմադրություն, որը պատասխանելու արժանի չէ և ներկաներին խորհուրդ տվեց ավելի լուրջ հարցեր քննարկել: