Թրամփը առևտրային պատերազմ է սկսել ԱՄՆ-ի դաշնակիցների դեմ
Առևտտրային պատերազմ սկսելու ԱՄՆ նախագահ Դոնալդ Թրամփի սպառնալիքը վերջապես գործնական բնույթ ստացավ և գործադրման հանձնվեց ալյումինի ու պողպատի ներմուծման համար սահմանված մաքսատուրքերի բարձրացման որոշումը, որի համաձայն՝ 25 տոկոսով բարձրանալու է պողպատի և 10 տոկոսով՝ ալյումինի ներմուծման մաքսատուրքը:
Ուրբաթ օրը առաջին ժամերին Եվրամիության երկրներից, Կանադայից ու Մեքսիկայից պողպատ ու ալյումին արտահանողները նոր մաքսատուրք են վճարելու:
Այդ որոշումը զայրացրել է ԱՄՆ-ի ամենամոտ առևտրային գործընկերներին: Վերջիններս սպառնացել են, որ Վաշինգտոնի դեմ հայց են ներկայացնելու Առևտրի համաշխարհային կազմակերպությանը և հակադարձ քայլեր են ձեռնարկելու: Ակնկալվում է ,որ ԵՄ-ի երկրներում, Կանադայում և Մեքսիկայում նոր մաքսատուրքեր սահմանվեն պողպատի, գյուղատնտեսական ապրանքների, անասնաբուծության և ԱՄՆ մի շարք սպառողական ապրանքների ներմուծման համար:
Թրամփը «Նախ ԱՄՆ-ն» կարգախոսի և ամերիկյան ազգայնամետ նպատակների իրականացման շրջանակներում ռազմական սպառումների նպատակով նոր մաքսատուրքեր սահմանեց ալյումինի ու պողպատի ներմուծման համար : ԱՄՆ-ի դաշնակիցների դեմ առևտրային պատերազմ սկսելու Թրամփի մյուս նպատակներից է էժանագին ապրանքների ներմուծման դիմաց արդյունաբերական ոլորտի աշխատավորների համար աշխատատեղերի ստեղծման հնարավորությունների պահպանումը և այդ երկրում ճգնաժամի մեջ հայտնված մետաղի արդյունաբերության փրկությունը:
Այնուամենայնիվ ԵՄ-ի անդամ երկրների ու NAFTA-ի անդամների՝ Կանադայի ու Մեքսիկայի նման գերտերությունների դեմ առևտրային պատերազմում հաղթելը ամերիկացիների համար անսպասելի չի կարող լինել հատկապես հաշվի առնելով փոխադարձ կախվածությունը : Թեև ապրանքների ներմուծման մաքսատուրքերի ավելացումը կարճ ժամանակամիջոցում կնպաստի ազգային արտադրության ամրապնդմանը և ամերիկացի աշխատավորների աշխատանքների պահպանմանը, սակայն երկարաժամկետում այդ կողմնորոշումը կհանգեցնի ամերիկյան արտահանվող ապրանքների շուկաների կորստին:
Ներկայումս միլիոնավոր աշխատատեղեր կախված են ապրանքի արտահանումներից: Որպես օրինակ պողպատի և ալյումնի ներմուծման մաքսատուրքերի ավելացումը ի վերջ կհանգեցնի ավտոմեքենայի և այլ արտադրանքների գների ավելացմանը,որը վճարելու է ամերիկացի սպառողը ,այդ թվում աշխատավորը: Իհարկե առևտրային պատերազմում ԱՄՆ-ի գործընկերները ևս կտուժեն:
ԱՄՆ-ում տնտեսական ոլորտի ազգայնականները հուսով են ,որ առևտրային պատերազմում , աշխարհի երկրները ընթացք կտան ԱՄՆ-ի պահանջներին ,և Վաշինգտոնի հետ ավելի լավ պայմանագրեր կկնքեն առևտրի ոլորտում:
Ֆրանսիայի ԱԳ նախարար Ժան Իվ Լը Դրիանի խոսքով ՝«Նախ Ամերիկան» կարգախոսը կհանգեցնի «Միայնակ Ամերիկա»ի ձևավորմանը:
Ֆրանսիայի նախագահն ավելի վաղ ասել էր ՝ «այդպիսի միջոցներն ուղղված են դաշնակից երկրների դեմ, որոնք հետևում են միջազգային առևտրի օրենքներին, և չեն կարող արդյունավետ լինել, այլ «միայն կհրահրեն առևտրային պատերազմ, որում բոլորը կպարտվեն»:
Նույնիսկ Կոնգրեսում բողոքի ձայն է լսվել Թրամփի կուսակիցների կողմից: Համենյան դեպս Թրամփը և նրա խորհրդականները բնակլիմայական փոփոխությունների վերաբերյալ պայմանագրից սկսած մինչև ՀԳՀԾ-ից դուրս գալով ապացուցեցին ,որ ներքին ու արտաքին բողոքները ոչ մի նշանակություն չունեն իրենց համար:
