Եվրոպայի ջանքերը պաշտպանական ոլորտում ԱՄՆ-ից անկախանալու համար
ԵՄ պաշտպանության նախարարները և արտգործնախարարները երկուշաբթի հավաքվեցին Լյուքսեմբուրգում, Եվրոպական միության Պաշտպանության ուժերի ստեղծման գործընթացը քննարկելու եւ այս ոլորտում գործողություններ ձեռնարկելու նպատակով:
Պաշտաշտպանական, սպառազինական և ռազմական բյուջեի հարցերից բացի, Եմենում տեղի ունեցող զարգացումները և այդ երկրում խաղաղ բանակցությունների վերսկսումը Լյուքսեմբուրգի գագաթնաժողովի օրակարգում է:
Եվրոպահանձնաժողովը մեկ ամիս առաջ հայտարարեց, որ նոր նախաձեռնություններ իրականացնելու համար ԵՄ-ն 245 մլն եվրոյի չափով ավելացրել է իր պաշտպանական բյուջեն: Պաշտպանական հարցերի հատկապես՝ ՆԱՏՕ-ի դերի, ինչպես նաեւ Բրիտանիայի Եվրամիությունից դուրս գալու շուրջ, Միացյալ Նահանգների և Եվրամիության միջև առաջացած վեճերը պատճառ են դարձել, որ ԵՄ երկրները ուժեղացնեն պաշտպանական եւ անվտանգության եվրոպական միջոցները եւ մեխանիզմները:
Այժմ, անկախ եվրոպական ռազմական ուժ ստեղծելու նպատակով ջանքեր է տարվում, գլոբալ Եվրամիության ռազմավարության մշակման, եվրոպական անվտանգության և ռազմական հաստատությունների ստեղծման ուղղությամբ: Այդ քայլերից են Եվրամիության պաշտպանական համատեղ բյուջեի հաստատումը, որը կարևոր քայլ է եվրոպական պաշտպանական կարողությունների ստեղծման հարցում:
Այս առումով մյուս կարեւոր քայլը «Եվրոպական ռազմական հզորության եւ ռազմական պլանավորման» (MFCC) օպերացիայի եվրոպական հրամանատարության ստեղծումն է:
ԵՄ պաշտոնյաները պնդում են, որ Բրյուսելի պլանները չի փոխարինում ՆԱՏՕ-ին կամ ԱՄՆ-ին և դա մի քայլ է, որը ուղղված է եվրոպական անկախ կառույցների ստեղծմանը, եվրոպացիների շահերը պաշտպանելու համար:
Սակայն ԱՄՆ նախագահ Դոնալդ Թրամփի կողմից ՆԱՏՕ-ի անդամների նկատմամբ շարունակական ճնշումը և ռազմական բյուջեի ավելացման պահանջը հանգեցրել է Եվրոպայի շատ պետությունների դժգոհությանը:
Եվրոպական կառավարությունները եկել են այն եզրակացության, որ նրանք այժմ պետք է ապավինեն իրենց, եւ որ անվտանգության հարցերով Միացյալ Նահանգների վրա ապավինելու ժամանակաշրջանը ավարտվել է: Հատկապես որ ԱՄՆ-ի նախագահ Դոնալդ Թրամփը հստոկորեն հայտարարել է, որ Միացյալ Նահանգները ցանկանում է, որ նրանք ոչ միայն վճարեն սեփական պաշտպանության ծախսերը, այլև Վաշինգտոնին օգուտ բերեն իրենց հետ հարաբերություններից:
Միևնույն ժամանակ, պաշտպանական եւ ռազմական անկախության ուղղությամբ եվրպացիների վերցրած քայլերը խիստ անհանգստացրել է ԱՄՆ-ին:
Քանի որ դա հանգեցնելու է Վաշինգտոնի կարողությունների նվազեցմանը եվրոպական անվտանգության ճգնաժամերին միջամտելու հարցում: Ի հարկե այդ հարցում ԱՄՆ-ի դիրքորոշումները համընկնում են Բրիտանիայի քաղաքականության հետ:
Այնուամենայնիվ, թվում է, որ Եվրաիությունը վճռականորեն ջանում է հնարավորինս շուտ հասնել պաշտպանական եւ ռազմական կարողություններին և հնարավորություններին:
