Ամերիկյան կոալիցիայի ռազմական ինքնաթիռների ավիահարվածին զոհ են գնացել մի խումբ սիրիացիներ
Սիրիայի արևելքում գտնվող Դեյր-ալ-Զոր նահանգի Հաջին քաղաքի գյուղերից մեկի դեմ ԱՄՆ-ի գլխավորած ԻԼԻՊ-ի դեմ պայքարի կոալիցիայի ռազմական ինքնաթիռների հարձակման հետևանքով զոհվել է առնվազն 17 խաղաղ քաղաքացի:
Համաձայն Իրանի ռադիո-հեռուստատեսության լրատվական գործակալության հաղորդման, կիրակի օրն իրականացված այս ավիահարվածի հետևանքով վիրավորվել են մի խումբ խաղաղ քաղաքացիներ:
ԱՄՆ-ի գլխավորած ԻԼԻՊ-ի դեմ պայքարի կոալիցիայի ռազմական ինքնաթիռները կիրակի օրը ռմբակոծել են նաև Հաջին քաղաքի մզկիթներից մեկը:
Ամերիկյան ռազմական ինքնաթիռները դեկտեմբերի 7-ին էլ ռմբակոծեցին Հաջին քաղաքում գտնվող մի հիվանդանոց, որի հետևանքով այդ հիվանդանոցն ավերվեց:
Ամերիկյան ռազմական ինքնաթիռները վերջին շաբաթների ընթացքում բազմիցս ռմբակոծել են Դեյր-ալ-Զոր նահանգի տարբեր տարածքներն, այդ թվում՝ Հաջին քաղաքը:
Այս ավիահարվածներից որոշների ժամանակ ամերիկյան կոալիցիան օգտվել է ֆոսֆորային արգելված ռումբերից:
