Ամերիկացի զորայինները գողացել են Իրաքի արժեքավոր պատմական նմուշները
Իրաքի խորհրդարանի ներկայացուցիչ Մահմուդ Քարիմը հայտարարել է ամերիկացի զորայինների կողմից Իրաքի արժեքավոր պատմական նմուշների գողության մասին, հավելելով, որ կառավարությունը շուտով պահանջելու է վերադարձնել այդ նմուշները:
Ալ Ալամի հաղորդման համաձայն, 2003-2011թթ. Իրաքում ներկայության ժամանակ, ամերիկացի զինվորները գողացել են մեծ թվով պատմական նմուշներ ու ոսկու ձուլակտորներ:
Քարիմը նշել է, որ վերջին տարիներին, ԱՄՆ-ի հովանավորությունը վայելող ահաբեկչական խմբերն Իրաքի Նինվե և Սալահեդդին նահանգներից գողացված պատմական նմուշները տեղափոխել են ԱՄՆ, նպատակ ունենալով մոռացության մատնել Իրաքի հինավուրց պատմությունն ու քաղաքակրթությունը:
Մահմուդ Քարիմը նշել է, որ Իրաքից գողացված պատմական նմուշների մեծ մասը վաճառվել է արտասահմանյան աճուրդներոմ: Նրա խոսքերով, Իրաքից գողացված ասորական պատի մասնիկը, Christie աճուրդում վաճառվել է 27 միլիոն դոլարով:
