Մեկ ամսվա ընթացքում Աֆղանստանում սպանվել են ավելի քան 100 քաղաքացիներ
ՄԱԿ-ի գրասենյակը (UNAMA) հայտարարել է, որ անցած ամիս, բռնությունների և բախումների հետևանքով, Աֆղանստանում զոհվել է ավելի քան 100 քաղաքացիական անձ:
Հինգծաբթի օրը, Աֆղանստանում տեղակայված ՄԱԿ-ի գրասենյակը (UNAMA), անդրադառնալով վերջին 25 օերերի ընթացքում ահաբեկչական հարձակումների հետևանքով Աֆղանստանում քաղաքացիական անձանց զոհերի ավելացմանը, բոլոր կողմերին կոչ է արել քայլեր ձեռնարկել հրադադարի հաստատման և քաղաքական կայուն համաձայնություն ձեռք բերելու ուղղությամբ:
UNAMA-ն ընդգծել է, որ հակամարտություններից քաղաքացիներին պաշտպանելու և կորոնավիրուսի տարածումը կանխելու լավագույն միջոցը Աֆղանստանում հակամարտությունն ամբողջությամբ դադարեցնելն է:
Չնայած Կատարի Դոհա քաղաքում ԱՄՆ-ի և Թալիբան խմբի ներկայացուցիչների միջև խաղաղության պայմանագրի կնքմանը, խմբավորումը երկրի տարբեր շրջաններում շարունակում է հարձակումները Աֆղանստանի զորքերի վրա:
