Իրաքում մեկնարկել է լայնածավալ գործողութուն՝ ԻԼԻՊ-ի դեմ
ԻԼԻՊ-ի ահաբեկիչներին ոչնչացնելու նպատակով, Իրաքի վարչապետի հրամանով, այդ երկրում մեկնարկել են լայնածավալ հակաահաբեկչական գործողություններ: Այս մասին տեղեկացնում է Իրաքի զինված ուժերի գլխավոր հրամանատարության խոսնակը:
Իրաքի զինված ուժերի ԳՇ խոսնակ Աբդոլքարիմ Խալաֆն ասել է. «Վարչապետ Ադել Աբդուլմահդին զինված ուժերին հրահանգել է հետախուզական ծառայությունների հետ համագործակցությամբ և օդուժի աջակցությամբ, լայնածավալ հակաահաբեկչական գործողություն սկսել՝ ԻԼԻՊ-ի ահաբեկիչներին ոչնչացնելու նպատակով:
Նշելով, որ ԻԼԻՊ-ի Իրաք վերադառնալու մասին հրապարակված լուրերը չափազանցված են, Խալաֆը հավելել է. «ԻԼԻՊ-ի մի խումբ ահաբեկիչներ, վերջերս հարձակվել են որոշ քաղաքների արվարձանների վրա, որտեղ տեղակայված են եղել սակավաթիվ անվտանգության ուժեր»:
Նա հավելել է, որ գործողությունն իրականացվում է բանակի օդուժի, ցամաքային ուժերի և Հաշդ ալ-Շաբիի ու Ալ-Անբար, Ալ-ջազիրա, Ալ-Բադիե նահանգների հրամանատարական շտաբերի համագործակցությամբ, Սիրիայի հետ սահմանի ուղղությամբ:
