Սնահավատություն, որին նպաստել է Աֆղանստանի կառավարությունը
Վերջին տարիներին Աֆղանստանի Հերաթ նահանգից սկսվել և Աֆղանստանի ողջ տարածքում տարածվել է 39 թվի նկատմամբ սնահավատությունը: Այն համարվում է բարոյալքվածության և կուռումպացվածության խորհրդանիշ, տարածվելով նաև ավտոմեքենաների վրա, որոնց պետհամարանիշի մեջ կա 39 թիվը:
Քաղաքացիները նման պետհամարանիշ ունեցող մեքենաների սեփականատերերին համարում են կոռումպացված: Սակայն խնդիրն այնքան է լրջացել, որ ազդել է նաև մեքենաների գնի վրա, իսկ մարդիկ պատրաստ են կաշառք վճարել՝ 39 թիվ պարունակող պետհամարանիշ չստանալու համար:
Ի վերջո, Աֆղանստանի կառավարությունը որոշել է պետհամարանիշի գրանցման գործընթացից ամբողջությամբ հանել 39 թիվը, հայտարարելով, որ այդ քայլն իրականացվել է կոռուպցիայի դեմ պայքարի շրջանակներում:
Քաբուլի կառավարության այս քայլը, որը զիջումների է գնացել ժողովրդական սնահավատության դիմաց, բազմաթիվ քննադատությունների տեղիք է տվել:
