Սիրիայի երկու ճակատներում ուժի մեջ է մտել զինադադարի ռեժիմը

Ապրիլի 30-ի գիշերը Սիրիայում ուժի մեջ է մտել հրադադարի ռեժիմը ճակատի երկու գծերում` Դամասկոսի մոտակայքում գտնվող Արևելյան Գուտա շրջանում, որը վերահսկում են «Ջաիշ ալ-Իսլամ» («Իսլամի բանակ») խմբավորման զինյալները և Լաթաքիա ափամերձ նահանգում:

Ինչպես տեղեկացնում է DW.com-ը` ապրիլի 30-ի առավոտյան երկու տարածաշրջաններում էլ հանգիստ է եղել: Այս մասին հայտարարել է Մարդու իրավունքների սիրիական դիտորդական կենտրոնի ղեկավար Ռամի Աբդել Ռահմանը:

Ժամանակավոր զինադադարը Սիրիայի երկու կարևոր ճակատներում սահմանվել է ԱՄՆ-ի և Ռուսաստանի համատեղ ջանքերի արդյունքում: Արևելյան Գուտայում այն մեկ ամբողջ օր կտևի, իսկ Լաթաքիայում` 72 ժամ:

orer.am

1/5/2016