Սիրիայում թուրքական ռազմական ներկայության դեմ բողոքի ցույցերը շարունակվում են

Սիրիայի Հալեպի հյուսիսային արվարձանի մի խումբ բնակիչներ հերթական անգամ հավաքվել են՝ բողոքելու իրենց հայրենիքում թուրքական օկուպացիայի և ագրեսիայի դեմ:

SANA-ի հաղորդման համաձայն, Սիրիայի Հալեպ նահանգի Կաֆարնայա գյուղի բնակիչները երկուշաբթի օրը  բողոքել են թուրք ագրեսոր ուժերի ներկայության դեմ և պահանջել են նրանց դուրս բերել Սիրիայից:

Հաղորդման համաձայն, այսօր թուրքական անօդաչու թռչող սարքերը ձմբակոծել են Հալեպ նահանգի Թալ Ռիֆաթ քաղաքի բլուրները:

Ուրբաթ օրը Թալ Ռիֆաթի շրջանի բնակիչները հավաքվել էին՝  բողոքելու թուրքական ուժերի ներկայության դեմ և  դատապարտելու բնակավայրերի վրա նրանց հարձակումները:

Վերջերս Թուրքիան հայտարարեց Սիրիայի հյուսիսում նոր ռազմական գործողություն սկսելու և Թալ Ռիֆաթի տարածքի վրա հարձակման իր որոշման մասին` քրդական ժողովրդական պաշտպանության ստորաբաժանումներին պատկանող գրոհայիններին դիմակայելու պատրվակով:

Սիրիական բանակը երեքշաբթի օրը ավելի շատ զորք և տեխնիկա է ուղարկել Թալ Ռիֆաթ տարածք: