Հակաամերիկյան ցույց Քաբուլում

Քաբուլի մի խումբ քաղաքացիներ բողոքել են ԱՄՆ-ի ու այլ երկրների կողմից Աֆղանստանի միլիարդավոր դոլարների ակտիվները սառեցնելու որոշման դեմ:

«Ավա» լրատվական գործակալության փոխանցմամբ, ցուցարարներն ԱՄՆ-ին ու արևմտյան երկրներին կոչ են արել ազատել Աֆղանստանի ակտիվները, որպեսզի երկրի տնտեսությունը դուրս գա ճգնաժամային իրավիճակից: 

Ցուցարարները կրել են անգլերեն գրություններով պաստառներ:  Նրանք ԱՄՆ-ին անվանել են գաղութարար պետություն՝ կոչ անելով հնարավորինս արագ ազատել Աֆղանստանի սառեցված գումարները: 

Հարտականշական է, որ 2021թ. օգոստոսի 15-ին Աֆղանստանում թալիբների իշխանության գալուց հետո, ԱՄՆ-ն ու արևմտյան այլ երկրները սառեցրել են  Աֆղանստանի ավելի քան 9.5 մլրդ դոլար ակտիվները, ինչն ավելի է վատացրել Աֆղանստանի տնտեսական վիճակը: