Պակիստանում մեկնարկել է Իսլամական համագործակցության կազմակերպության ԱԳ նախարարների նիստը
Պակիստանի մայրաքաղաք Իսլամաբադում մեկնարկել է Իսլամական համագործակցության կազմակերպության ԱԳ նախարարների 48-րդ նիստը։
Հանդիպմանը մասնավորապես կքննարկվեն իսլամական աշխարհին առնչվող հարցեր, հատկապես՝ Պաղեստինի հիմնախնդիրը և Աֆղանստանի ճգնաժամը։
ԻՌՆԱ գործակալության հաղորդման համաձայն, Իսլամական համագործակցության կազմակերպության արտգործնախարարների 48-րդ երկօրյա հանդիպումը սկսվել է այսօր (երեքշաբթի) Պակիստանի Ազգային ժողովում, այդ երկրի վարչապետ Իմրան Խանի ելույթով:
Իսլամական համագործակցության կազմակերպության արտգործնախարարների երկօրյա հանդիպմանը Իսլամաբադում իրանական պատվիրակությունը գլխավորում է Իրանի Իսլամական Հանրապետության արտաքին գործերի նախարարության խոսնակ՝ Սաիդ Խաթիբզադեն։
Պակիստանի արտգործնախարար Շահ Մահմուդ Ղուրեյշին նախագահում է Իսլամական համագործակցության կազմակերպության արտգործնախարարների 48-րդ հանդիպումը։
Այսօր ԻՀԿ գագաթնաժողովում Պակիստանի կառավարության հատուկ հյուրն է լինելու Չինաստանի արտաքին գործերի նախարար Վանգ Յին։
Իսլամական համագործակցության կազմակերպության արտգործնախարարների 48-րդ հանդիպման կարգախոսն է՝ «Գործընկերություն հանուն միասնության, արդարության եւ զարգացման»։
Միջոցառումը համընկնում է Պակիստանի անկախության 75-ամյակի տոնակատարությունների հետ։
Իսլամական համագործակցության կազմակերպությունը ՄԱԿ-ից հետո երկրորդ միջազգային կազմակերպությունն է, որն ունի 57 անդամ չորս մայրցամաքներում գտնվող իսլամական երկրներից, որը հիմնադրվել է 1969 թվականին որպես իսլամական աշխարհի հավաքական ձայն և հայտնի է որպես իսլամական երկրների շահերի պաշտպանության, միջազգային խաղաղության տարածման և աշխարհի մարդկանց միջև ներդաշնակության խթանման երաշխիք։
