Եմենի պատերազմը մարդկության դեմ ամենամեծ հանցագործությունն է. Մահեր ալ-Շամի
«Եմենի ժողովրդի դեմ ագրեսորների կողմից իրականացվող սպանությունները մարդկության դեմ ուղղված հանցագործության ամենասարսափելի տեսակն են»,- ասել է եմենցի քաղաքագետը։
Իրանի ռադիոհեռուստատեսության լրատվական ծառայության հաղորդման համաձայն՝ եմենցի քաղաքագետ Մահեր ալ-Շամին Եմենի դեմ ամերիկա-սաուդյան ագրեսիայի 8-րդ տարվա կապակցությամբ ասել է.«Այս երկիրը գտնվել է համաշխարհային ամենասարսափելի ագրեսիայի թիրախում, և բոլոր ագրեսիաներն իրականացվել են Սաուդյան Արաբիայի գլխավորությամբ, իսկ Եմենի ժողովրդի ծրագրված սպանությունն իրականացվում է միջազգային լռության ներքո»:
Ալ-Շամին հայտարարել է, որ ՄԱԿ-ը մեղսակից է Եմենի ժողովրդի սպանությանը և գտնվում է ԱՄՆ-ի վերահսկողության տակ։
Նա հավելել է.«Միջազգային հանրությունը, ՄԱԿ-ը և Անվտանգության խորհուրդը, որոնք պնդում են, որ իրենց առաքելությունը միջազգային խաղաղության և անվտանգության հաստատումն է, մեղսակից են այդ հանցագործություններին»:
«ԱՄՆ-ն ցանկանում է, որպեսզի լարվածությունը սրվի, իսկ հարձակումները խստանան, որպեսզի ավելանա արևմտյան ու սիոնիստական զենքերի վաճառքը Սաուդյան Արաբիային։ Սա է պատերազմի շարունակման և լարվածության աճի հիմնական պատճառը»,- հայտարարել է ալ-Շամին ։
