Իսրայելը կանխել է ՄԱԿ-ի դիտորդական առաքելության մուտքը բռնագրավված տարածքներ
ՄԱԿ-ի Միջազգային քննչական կոմիտեն ափսոսանք է հայտնել Իսրայելի կողմից դիտորդական առաքելության անդամների մուտքը գրավյալ տարածքներ և Պաղեստինի ինքնավարության վերահսկողության տակ գտնվող տարածքներ թույլ չտալու համար։
Հորդանանի «Ալ-Մալքե» հեռուստաալիքի հաղորդմամբ՝ ՄԱԿ-ի Անկախ միջազգային հետաքննական կոմիտեն կիրակի օրը հայտարարել է, որ թեև իսրայելական ռեժիմի ուժերը 2005 թվականին դուրս են եկել Գազայի հատվածից, սակայն ռեժիմը շարունակում է իր բռնազավթիչ քաղաքականությունը:
Կոմիտեն իր զեկույցում հայտարարել է, որ 2007 թվականից Գազայի հատվածը գտնվում է Սիոնիստական ռեժիմի շրջափակման մեջ և մարդկանց ու ապրանքների տեղաշարժը սահմանափակված է:
Ըստ այդ զեկույցի՝ Իսրայելի ռեժիմը վերահսկում է Գազայի հատվածի օդային տարածքը, տարածքային ջրերը, ցամաքային անցումները, քաղաքացիական, ներառյալ՝ ջրի և էլեկտրաէներգիայի ենթակառուցվածքները և կառավարության հիմնական գործառույթները, այդ թվում՝ Պաղեստինի քաղաքացիական կացության ակտերի գրանցման գրասենյակը:
Անցյալ տարի Սիոնիստական ռեժիմի ներկայացուցիչ Գիլադ Էրդանը հոկտեմբերի 29-ին ՄԱԿ-ի Գլխավոր ասամբլեայի նիստում պատռեց այս կազմակերպության Մարդու իրավունքների խորհրդի տարեկան զեկույցը և հայտարարեց, որ դրա տեղն աղբամանում է: