Թուրքիան անօդաչու թռչող սարքերքվ ռմբակոծել է Իրաքի հյուսիսային շրջանները
Թուրքիան անօդաչու թռչող սարքերքվ ռմբակոծել է Իրաքի Դոհուկ նահանգը։
Թուրքիան երկար ժամանակ խախտում է Իրաքի տարածքային ամբողջականությունը՝ Թուրքիայի, ԱՄՆ-ի և Եվրամիության ահաբեկչական ցուցակում հայտնված Քրդստանի աշխատավորական կուսակցություն (PKK) կոչվող ահաբեկչական խմբավորմանը դիմակայելու պատրվակով։
Թասնիմ լրատվական գործակալության հաղորդման համաձայն, Իրաքյան անվտանգության մի աղբյուր հայտարարել է, որ թուրքական անօդաչու թռչող սարքերը ռմբակոծել են Դոհուկ նահանգի (Հյուսիսային Իրաք) «Ալ-Էմադիա» շրջանի «Ջաբալ Մատին» գյուղերը։
Իրաքյան այս աղբյուրը հավելել է. «Այս ռմբակոծության ժամանակ թիրախ են դարձել Թուրքիայի Քրդստանի աշխատավորական կուսակցության (PKK) տարրերը և մասնավորապես մի մեքենա, որում եղել են այս կուսակցության մի շարք զինյալներ»։
Թուրքիան «ՔԲԿ»-ին պատասխանատու է համարում Թուրքիայի ավելի քան 40 հազար քաղաքացիների մահվան համար։ Սա այն դեպքում, երբ, հյուսիսային Սիրիայի և Իրաքի շատ շրջաններ զրկվել են բնակչությունից Անկարայի բանակի հարձակումներից հետո:
Ավելի վաղ Իրաքյան Քրդստանի հայրենական միության անդամ Ղիաս ալ-Սուրչին ասել էր, որ Իրաքի հյուսիսում գյուղատնտեսական և անասնաբուծական արտադրանք մատակարարող 600 գյուղերի բնակիչներ անօթևան են դարձել թուրքական ռմբակոծությունների պատճառով։
Թուրքիայի հարձակումները Հյուսիսային Իրաքի վրա տեղի են ունենում այն ժամանակ, երբ Բաղդադը բազմիցս այն անվանել և դատապարտել է որպես Թուրքիայի օկուպացիայի օրինակ, իսկ հյուսիսային Սիրիայի և Իրաքի շատ շրջաններ կորցրել են իրենց բնակչությունը Թուրքիայի բանակի հարձակումների պատճառով:
