Այս տարի Արբաինի արարողությանը մասնակցում է ավելի քան 22 միլիոն ուխտավոր
Իրաքի Քարբալա քաղաքում «Հազրաթ Աբբասի» սրբավայրի ղեկավարությունը հայտարարել է, որ այս տարի Հոսեյնական Արբաինի արարողությանը մասնակցել է 22 միլիոն 19 հազար 146 մարդ։
«Al-Fօrat News»-ի փոխանցմամբ, Իմամ Հոսեյնի Արբաինի արարողությանը մասնակցած ուխտավորների հաշվառումն իրականացվում է էլեկտրոնային հաշվառման համակարգի միջոցով՝ բարձրակարգ և ճշգրիտ տեսախցիկների օգտագործմամբ։
Այս հաղորդման Համաձայն, տեսախցիկները տեղադրված են Քարբալա քաղաքի մուտքերի մոտ, և նրանց հիմնական խնդիրն է հաշվել Իմամ Հոսեյնի Արբաինի արարողությանը մասնակցած ուխտավորների թիվը:
Այսօր (չորեքշաբթի) 2023 թվականի սեպտեմբերի 6-ին շիաների երրորդ առաջնորդ Իմամ Հոսեյնի նահատակության քառասնօրյակն է՝ Արբաինը, և այդ նպատակով տարբեր կրոնական դավանանքների միլիոնավոր հետևորդներ, այդ թվում՝ շիաներ, սուննիներ, և ասորի և քաղդեացի քրիստոնյաներ Իրաքից և այլ երկրներից մեկնել են Քարբալա:
Հազրաթ Աբբասը Իմամ Հոսեյնի կրտսեր խորթ եղբայրն էր: Նրա համբավն ու ժողովրդականությունը մուսուլմանների, հատկապես շիաների շրջանում, պայմանավորված է Քարբալայի ճակատամարտում Իմամ Հոսեյնի նկատմամբ ցուցաբերած հավատարմությամբ և քաջությամբ: Հազրաթ Աբբասը Քարբալայի ճակատամարտում եղբորից առաջ է նահատակվել:
