Շարունակվում է Գազայում ցեղասպանության դեմ դիմադրության առանցքի դիմակայությունը

 Գազայի հատվածի վրա Իսրայելի շարունակվող հարձակումներին ի պատասխան՝ Պաղեստինում, Լիբանանում, Իրաքում և Եմենում դիմադրության առանցքը հարձակվել է սիոնիստների դիրքերի վրա։

Անցած ավելի քան հինգ ամիսների ընթացքում Սիոնիստական ​​ռեժիմը շարունակաբար հարձակվել է Գազայի հատվածի վրա և 2023 թվականի հոկտեմբերի 7-ից նրանց հարձակումների հետևանքով զոհվել է մոտ 32 հազար պաղեստինցի։

Վերջին մի քանի ժամում իսրայելական կործանիչներն ու հրետանին գրոհներ են իրականացրել Ալ-Ռիմալ թաղամասի և Ալ-Շաֆա հիվանդանոցի շրջակայքի մի շարք տների վրա և միևնույն ժամանակ թույլ չեն տվել բժշկական խմբերին մեկնել այդ շրջաններ՝ բնակիչներին բուժելու համար։

Գազա քաղաքի արևմուտքում գտնվող Ալ-Ռիմալ թաղամասի մեծ թվով ընտանիքներ շրջափակման մեջ են՝ այս տարածքում սիոնիստ օկուպանտների շարունակական հարձակումների և ռմբակոծությունների պատճառով:

Սիոնիստական ​​ուժերը հարձակվել են նաև Հեբրոն քաղաքի և Երիքովի «Այն ալ-Սուլթան» և «Աքաբա Ջաբր» երկու ճամբարների վրա, որոնք գտնվում են Հորդանան գետի արևմտյան ափին։

Ի պատասխան այս ագրեսիաների՝ Իրաքի իսլամական դիմադրությունը անօդաչու թռչող սարքով թիրախավորել է Պաղեստինի օկուպացված տարածքների խորքում գտնվող «Բեն Գուրին» օդանավակայանը։

Իրաքի դիմադրությունը երկուշաբթի առավոտյան հայտարարեց, որ թիրախավորել է նաև օկուպացված սիրիական Գոլանում գտնվող Սիոնիստական ​​ռեժիմի անօդաչու թռչող սարքերի բազան։

Պաղեստինյան «Իսլամական ջիհադ» շարժման ռազմական թեւը՝ «Ալ-Ղոդս»-ի բրիգադները, հայտարարել են, որ «Ալ-Շաֆա» հիվանդանոցային համալիրի շրջակայքում իրենց մարտիկները գնդացիրներով բախման մեջ են մտել  սիոնիստ զինվորականների դեմ, ինչի հետևանքով այս ռեժիմի մի շարք զինվորներ սպանվել ու վիրավորվել են։

Լիբանանի իսլամական դիմադրությունը՝ Հեզբոլլահն էլ հայտնել է Սիոնիստական ​​ռեժիմի բանակի դեմ շարունակական գործողությունների մասին՝ ի պատասխան Գազայի հատվածի անպաշտպան ժողովրդի դեմ այս ռեժիմի շարունակական հանցագործությունների և Լիբանանի հարավային շրջաններում շարունակվող ագրեսիաների, և հայտարարել, որ Թեփեհ ալ-Թայհատում մարտիկները կառավարվող հրթիռով թիրախավորել են Սիոնիստական ​​ռեժիմի նյութատեխնիկական ապահովման ռազմական մեքենան, որի ներսում էին գտնվում մի խումբ զինվորներ, ինչի հետևանքով մի շարք սիոնիստ զինվորներ սպանվել կամ վիրավորվել են։

Իսլամական դիմադրության մարտիկները հրթիռակոծել են նաեւ Բրանիտ ռազմաբազայի հարավում գտնվող սիոնիստական ​​բանակի ստորաբաժանումը։

Հրթիռների թիրախ են դարձել նաեւ սիոնիստական ​​բանակի դիրքերը Լիբանանի Քֆարշուբայի գրավված բլուրներում եւ Շեբաայի գրավյալ ագարակներում։