Իրանի նախազգուշացումը Իսրայելին՝ Լիբանանի վրա հնարավոր հարձակման վերաբերյալ
ՄԱԿ-ում Իրանի ներկայացուցչությունը զգուշացրել է Սիոնիստական ռեժիմին, որ Լիբանանի դեմ ագրեսիան կհանգեցնի ծանր պատերազմի։
ՄԱԿ-ում Իրանի ներկայացուցչությունը X սոցիալական ցանցում (նախկին Twitter) գրել է. «Թեև Իրանը Լիբանանի վրա հարձակվելու Սիոնիստական ռեժիմի քարոզչությունը համարում է հոգեբանական պատերազմ, այնուամենայնիվ եթե Սիոնիստական ռեժիմը Լիբանանի վրա համակողմանի ռազմական հարձակում իրականացնի, ապա ծանր պատերազմ կսկսվի»։
ՄԱԿ-ում Իրանի ներկայացուցչությունը հայտարարել է, որ Լիբանանի վրա Սիոնիստական ռեժիմի հարձակման դեպքում սեղանին կլինեն բոլոր տարբերակները, այդ թվում՝ ողջ իսլամական դիմադրության առանցքի մասնակցությունը։
Վերջին մի քանի շաբաթների ընթացքում Լիբանանի և օկուպացված Պաղեստինի սահմանին լարվածության սրմանը և Սիոնիստական ռեժիմի դիրքերի վրա Հեզբոլլահի հրթիռային և հրետանային հարձակումների շարունակմանը զուգահեռ, մեծացել է սիոնիստների վախն ու անհանգստությունը Գազայի հատվածում պատերազմի շարունակմանը զուգահեռ մեկ այլ պատերազմի հնարավորության վերաբերյալ: Այդ իսկ պատճառով այս ռեժիմի իշխանությունները առավել քան երբևէ բանավոր սպառնալիքներ են հնչեցնում Լիբանանի և Հեզբոլլահի հասցեին։
