Իսլամական համագործակցության կազմակերպություն. Հանիեի սպանությունը հարձակում է Իրանի ինքնիշխանության վրա
Pars Today- Իսլամական համագործակցության կազմակերպությունը, դատապարտելով Թեհրանում ՀԱՄԱՍ-ի քաղաքական բյուրոյի ղեկավար Իսմայիլ Հանիեի սպանությունը, Իսրայելի ռեժիմին պատասխանատու ներկայացրեց այս հանցավոր արարքի համար։
Չորեքշաբթի գիշեր, Իսլամական համագործակցության կազմակերպությունը նահատակ Իսմայիլ Հանիեի սպանության կապակցությամբ այս կազմակերպության արտաքին գործերի նախարարների գործադիր կոմիտեի արտակարգ նիստի վերջնական հայտարարության մեջ խստորեն դատապարտել է Իսրայելի ռեժիմի այս արարքը և ընդգծել, որ այդ սպանությունը հարձակում է Իրանի ինքնիշխանության վրա։ Ըստ Pars Today-ի՝ այս հանդիպման ամփոփիչ հայտարարության մեջ ասվել է. -Հանիեի սպանությունը ագրեսիվ հանցագործություն է և միջազգային օրենքների ակնհայտ խախտում։
Այս հայտարարության մեկ այլ հատվածում Իսլամական համագործակցության կազմակերպությունը դատապարտել է օկուպացված Պաղեստինում պատերազմի շարունակությունը և Գազայի հատվածում և Արևմտյան ափին պաղեստինցիների զանգվածային սպանությունները, որոնք հանգեցրել են ավելի քան 140,000 պաղեստինցիների նահատակության ու վիրավորման, ինչպես նաև ավելի քան 2 միլիոն պաղեստինցիների բռնի տեղահանության։
Իսլամական համագործակցության կազմակերպության գլխավոր քարտուղար Հոսեյն Էբրահիմ Թահան այս հանդիպման ժամանակ ասել էր. -Իսրայելի բռնազավթիչ ռեժիմի կողմից հանցագործությունների շարունակվելը խախտում է բոլոր տաբուները, սովորույթները, օրենքներն ու միջազգային բանաձևերը։
Հայտարարելով, որ Թեհրանում Իսրայելի ահաբեկչությունը հարձակում է Իրանի ինքնիշխանության և ազգային անվտանգության վրա և միջազգային իրավունքի և ՄԱԿ-ի կանոնադրության դրույթների ակնհայտ խախտում է, Իսլամական համագործակցության կազմակերպության գլխավոր քարտուղարն Անվտանգության խորհրդին խնդրել է կատարել իր պատասխանատվությունը և ձեռնարկել անհրաժեշտ միջոցներ՝ ստիպելու օկուպացիոն ռեժիմին հարգել միջազգային իրավունքը և դադարեցնել ագրեսիան, ինչպես նաև հրադադար հաստատել Գազայում։
Չորեքշաբթի օրը, Սաուդյան Արաբիայի Ջիդդա քաղաքում կայացել է Իսլամական համագործակցության կազմակերպության արտաքին գործերի նախարարների գործադիր կոմիտեի արտակարգ նիստը՝ Պաղեստինի ժողովրդի դեմ Իսրայելի հանցագործությունների շարունակության, Իսմայիլ Հանիեին նահատակելու Իսրայելի հանցավոր ռեժիմի ագրեսիայի չափերի հետաքննության, ինչպես նաև ԻԻՀ ազգային անվտանգության և ինքնիշխանության խախտման օրակարգով։
Բանալի բառակապակցություններ՝ Ո՞վ է Իսմայիլ Հանիեն, Իսրայելի հանցագործությունները, Գազայի պատերազմ, Իրան և Պաղեստին, Իսլամական համագործակցության կազմակերպություն