Թուրքիան ավիահարվածներ է իրականացրել Իրաքի հյուսիսում

Թուրքական կործանիչները ռմբակոծել են Իրաքի հյուսիսային շրջանները։

Հղում անելով ԻՌՆԱ-ին, Pars Today-ը հաղորդում է, որ թուրքական կործանիչները ռմբակոծել են Իրաքի հյուսիսում գտնվող Դոհուկ նահանգի Ալ-Ամադիյա շրջանի որոշ գյուղեր։ Հարձակումների հետևանքով հնարավոր ավերածությունների կամ զոհերի մասին տեղեկություններ չկան։

2022 թվականի ապրիլի 17-ին Թուրքիան Հյուսիսային Իրաքում սկսեց «Մագիլ- կողպեք»  գործողությունը՝ ՔԲԿ անդամներին ճնշելու պատրվակով։ Թուրքիան ՔԲԿ-ն համարում է ահաբեկչական կազմակերպություն։

Այս հարձակումների մեծ մասը կենտրոնացած է եղել Իրաքյան Քուրդիստանի տարածաշրջանի Մատինա, Ալ-Զաբ և Աֆշին-Բասյան տարածքներում։ Սակայն Թուրքիան հարձակումներ է իրականացրել նաև այլ տարածքների վրա, ինչպիսին է Նինվե նահանգի Սինջարը։

Բաղդադը Թուրքիայի հարձակումները որակել է որպես Իրաքի տարածքի դեմ ագրեսիայի ակտ և պահանջել է Անկարայի զորքերի դուրսբերումը Հյուսիսային Իրաքից։