Ինչո՞ւ է սիոնիստական ռեժիմի կորուստների թիվն ավելացել Գազայի պատերազմում
«Ալ-Մայադին» լրատվական կայքի հաղորդմամբ՝ վերջին շաբաթներին Գազայի պատերազմում Սիոնիստական ռեժիմի բանակի կորուստների թիվն զգալիորեն աճել է։ Այս միտումը պայմանավորված է մարտադաշտում առկա չորս հիմնական գործոններով, որոնք ոչ միայն նվազեցրել են Իսրայելի բանակի մարտունակությունը, այլև ազդել են հասարակական կարծիքի և ռեժիմի զինվորների մարտական ոգու վրա։
Դիմադրությունը ձեռք է բերել առաջադեմ պայթուցիկ նյութեր
Հաղորդումները ցույց են տալիս, որ «Քասամ» և «Ալ-Ղոդս» բրիգադները հագեցած են հզոր ինքնաշեն պայթուցիկ ռումբերով, ինչպիսիք են «Շվազը» և «Սաղեբը», որոնք հիմնականում C4 տեսակի են: Այս սարքերը թիրախավորելով զրահապատ մեքենաները և հետևակայիններին մեծ կորուստներ են պատճառել թշնամուն:
Դիմադրությունը համատեղ գործողություններ է իրականացնում
Դիմադրության գործողությունների նոր միտումը հիմնված է հզոր ռումբերի պայթեցման և գնդացիրների ուղիղ կրակի վրա։ Մարտավարություն, որը կիրառվել է նաև Շոջայիայում «ալ-Հոդա» դարանակալման ժամանակ: Այս մեթոդը խաթարել է իսրայելական բանակի որոշումներ կայացնելու ունակությունը և հանգեցրել ճակատագրական սխալների ճակատամարտում:
Իսրայելի մարտավարության կրկնվելը
Ռազմական փորձագետները կարծում են, որ իսրայելական բանակը բախվել է թիրախային դարանակալումների՝ գործողությունների կրկնության պատճառով: Սա հանգեցրել է բանակի «մարտավարական թուլացմանը», որն ավելի է խորացել պատերազմի երկարաձգման և զինվորների մոտիվացիայի անկման պատճառով:
Հնացած և անարդյունավետ սարքավորումների օգտագործումը
Ժամանակակից սարքավորումների բացակայության պատճառով Իսրայելի բանակը ստիպված է եղել օգտագործել երրորդ սերնդի Մերկավա տանկեր և հին մարդատարներ, ինչը մեծացրել է իսրայելական ուժերի խոցելիությունը։
Զինված ուժերի կորուստների աճը, հրադադարի բանակցություններում փակուղում հայտնվելու հետ մեկ տեղ, խարխլել են Նեթանյահուի կաբինետի քաղաքական դիրքերը, և պատերազմի շարունակությունը կարող է ներքին և տարածաշրջանային ռազմավարական հետևանքներ ունենալ Իսրայելի համար։