Արդյո՞ք Ջոլանիին ենթարկվող տարրերը հրկիզել են ալավիաբնակ տարածքները
«Ֆարս» լրատվական գործակալությունը, հղում անելով Սիրիայի տեղական աղբյուրներին, հայտնում է, որ Սիրիայի անտառներում մոլեգնող հրդեհները հասել են Լաթաքիայի ծայրամասում գտնվող ալավիներով բնակեցված Նաբա ալ-Մար շրջանի քաղաքացիների տներին՝ պատճառելով զգալի վնասներ։
Ինչպես հաղորդում է «Ալ-Մայադին» հեռուստաալիքը՝ հղում անելով տեղական աղբյուրներին, հրդեհները սկսվել են մոտ 10 օր առաջ և դեռևս շարունակվում են։ Այս ընթացքում Ջոլանիի գլխավորած «Թահրիր ալ-Շամ» ճակատի վերահսկողության տակ գտնվող ռեժիմը ոչ միայն մերժել է հրդեհը մարելուն աջակցելու Ռուսաստանի առաջարկն, այլև ձերբակալել է հրդեհաշիջման աշխատանքներին կամավոր մասնակցած որոշ ալավիների։
Ալավիաբնակ տարածքներում հրդհները չմարելու՝ սիրիացի ապստամբների քայլը կասկածելի է
Syrian Coast Guard Channel-ը, նշելով, որ հրդեհների շարունակակվելը կասկածներ է հարուցում, հաղորդել է, որ հավանական է այդպիսով փորձ է արվում տեղահանել տարածքի ալավիներին։ Հեռուստաալիքի տվյալներով՝ դեպքի վայրից հրապարակված կադրերը վկայում են, որ Սիրիայում իշխող ապստամբների և «Հայաթ Թահրիր ալ-Շամ» խմբավորման հետ կապված որոշ տարրեր դիտավորյալ հրդեհներ են վառել բնակելի թաղամասերում։
Այս իրադարձությունների ֆոնին աճել են կասկածները նման գործողությունների իրական նպատաների և էթնիկ զտումների շարունակվելու կապակցությամբ։