Մեկնաբանություն - Ի՞նչ հետևանքներ կունենան Սիրիայի վրա Իսրայելի հարձակումները տարածաշրջանի համար
Սիոնիստական ռեժիմը նոր հարձակումներ է իրականացրել Սիրիայի դեմ։ Չորեքշաբթի օրը ռեժիմը ռմբակոծել է Սիրիայի Պաշտպանության նախարարության և բանակի շտաբները։ Հաղորդվում է, որ Ջոլանիի կառավարության մի շարք պաշտոնյաներ, այդ թվում՝ Պաշտպանության նախարարը, սպանվել են։ Իսկ ի՞նչ նպատակ է հետապնդում Իսրայելն այս հարձակումներով և ի՞նչ ազդեցություն կունենան դրանք Արևմտյան Ասիայի վրա։
Կարևոր կետերից մեկն այն է, որ Իսրայելը փորձում ռազմական ուժի կիրառմամբ փոխել արաբական երկրի աշխարհագրությունը։ Սիրիան արաբական աշխարհում փոքր երկիր չէ։ Ավելին՝ մի ժամանակ Սիրիան արաբական մեծ տերություն էր։ Այսօր, չնայած սնանկացած և թույլ կառավարությանը, այն մեծ քաղաքական և աշխարհաքաղաքական նշանակություն ունի Արևմտյան Ասիայի տարածաշրջանում և արաբական աշխարհում։
Սիոնիստական ռեժիմն ակնհայտորեն ձգտում է օկուպացնել Սիրիայի տարածքը, մասնատել երկիրը կամ առնվազն թուլացնել կառավարությունը։ Հատկանշական է, որ Սիրիայի կառավարությունը գործնականում որևէ սպառնալիք չի ներկայացնում ռեժիմի համար, և նույնիսկ վերջին շաբաթներին փորձում է կարգավորել հարաբերությունները Թել Ավիվի հետ։
Հետևաբար, արաբական երկրները պետք է լուրջ վերաբերվեն այն հարցին, որ որոշ արաբական երկրների դեմ Իսրայելի հարձակումները պայմանավորված չեն նրանով, որ այդ երկրները դեմ են ռեժիմին։ Օկուպացիան կարող է հանգեցնել արաբական աշխարհագրության կրճատմանը և նույնիսկ արաբական ինքնության նվաստացմանը։
Սիրիայի վրա Իսրայելի հարձակումները տարածաշրջանային մակարդակով կարևոր են, քանի որ այս հարձակումներն, ինչպես նաև վերջին 22 ամիսների ընթացքում Գազայի և Լիբանանի վրա հարձակումները, և միևնույն ժամանակ Իրանի դեմ 12-օրյա պատերազմը, վկայում են, որ Թել Ավիվը փորձում է ստեղծել նոր տարածաշրջան Իսրայելի «գերիշխանությամբ»՝ խաթարելով Արևմտյան Ասիայի քաղաքական և անվտանգության կարգը։
Իրականում, սիոնիստական ռեժիմը չի հավատում տարածաշրջանային ուժերի հավասարակշռությանը և կարծում է, որ ռազմական ուժի կիրառմամբ կարող է դառնալ տարածաշրջանում «գերիշխող» ուժ։ իսկ այդ նպատակը լուրջ սպառնալիք է ներկայացնում Արևմտյան Ասիայի տարածաշրջանի բոլոր տերությունների համար։ Նման իրավիճակին դիմակայելու և թույլ չտալու համար, որ Թել Ավիվը հասնի իր նպատակին, այդ երկրների միջև պետք է հաստատվի լուրջ կոնսենսուս։ Տարածաշրջանի երկրները պետք է հասկանան, որ Սիոնիստական ռեժիմը ոչ միայն ձգտում է թուլացնել Դիմադրության առանցքի դիրքերը տարածաշրջանում, այլև ձգտում է դառնալ տարածաշրջանային «հեգեմոն» ուժ։
Սիրիայի վրա Իսրայելի վերջին հարձակումների կարևորության երրորդ պատճառն այն է, որ դրանք դրանք վկայում են ԱՄՆ-ի աջակցության մասին։ Տարածաշրջանի երկրները պետք է հավատան և հասկանան, որ Արևմտյան Ասիայի տարածաշրջանում ոչ մի դերակատար այնքան կարևոր չէ ԱՄՆ-ի համար, որքան Իսրայելը, ու թեև Թել Ավիվին աջակցությունը վարկաբեկում է Վաշինգտոնին, բայց այդ երկիրը շարունակում է օգնել ռեժիմին։ ԱՄՆ-ի և Արևմուտքի ուղեծրում գտնվող ցանկացած երկրի հետ հակամարտության ժամանակ նույնպես, ԱՄՆ-ն կկանգնի ռեժիմի կողքին։