Ի՞նչ վնաս են հասցրել Եմենի հարձակումներն Իսրայելի Էյլաթ նավահանգստին

Օկուպացված տարածքների հարավում գտնվող Էյլաթ նավահանգիստը, որը մի ժամանակ համարվում էր Սիոնիստական ռեժիմի առևտրի, էներգետիկայի և զբոսաշրջության կարևորագույն զարկերակը, «Անսարալլահի» գլխավորությամբ Եմենի ուժերի կողմից իրականացված զանգվածային ծովային հարձակումներից հետո լուրջ վնասներ է կրել։

 Նավահանգիստը թիրախավորվում է սկսած 2023 թվականի վերջերից։  Հարձակումներն  իրականացվում են ի աջակցություն Գազայի ժողովրդի և թիրախավորում Իսրայելի կարևոր ենթակառուցվածքները։

«Ալ-Խանդաղ» կայքի հաղորդմամբ՝ Կարմիր ծովում միակ իսրայելական նավահանգիստը՝ Էյլաթը, կաթվածահար է եղել եմենական հարձակումներից հետո և դրա աշխատանքը դադարեցվել է։ Նավերի ապահովագրության ծախսերի 270%-անոց աճը, միջազգային ընկերությունների դուրս գալը այս նավահանգիստ տանող երթուղիներից և տասնյակ հազարավոր տրանսպորտային միջոցների կուտակումը, հարձակումների տնտեսական հետևանքներից միայն մի քանիսն են։ Նավահանգստի պարտքերը գերազանցել են 100 միլիոն դոլարը, իսկ Էյլաթի քաղաքապետարանը սառեցրել է դրա հաշիվները։

Հուլիսի 16-ին «Անսարալլահը» միաժամանակ չորս հարձակում իրականացրեց Էյլաթ նավահանգստի, Բեն-Գուրիոն օդանավակայանի և Նեգևի շրջանի վրա։ Դիմադրության աղբյուրների համաձայն՝ բոլոր թիրախները ճշգրիտ խոցվել են, մինչդեռ իսրայելական բանակը հայտարարել է, թե էական վնասներ չկան։ 

Դադարեցվել են այնպիսի ռազմավարական նախագծեր, ինչպիսիք են Էյլաթ-Աշկելոն նավթամուղը և Էյլաթի, Հայֆայի և Աշդոդի միջև 27 միլիարդ դոլար արժողությամբ երկաթուղին։ Զբոսաշրջության ոլորտը նույնպես սնանկացման եզրին է՝ գլխավոր ճանապարհների փակման և անվտանգության նախազգուշացումների ուժեղացման պատճառով։

Սիոնիստական ռեժիմը կոչ է արել ԱՄՆ-ին միջամտել հարցին և ծովային սպառնալիքներին դիմակայելու համար կոալիցիա ձևավորել։ Սակայն Անվտանգության խորհրդի որոշ անդամների ընդդիմությունն այս առաջարկին, ամրապնդել է Եմենի Դիմադրության լեգիտիմությունը։ 

«Ալ-Խանդաղ» կայքը գրել է, որ Էյլաթ նավահանգիստն այժմ դարձել է Իսրայելի ռազմավարական անկման և տարածաշրջանում փոփոխվող հավասարակշռության խորհրդանիշ։