Եմենի կողմից Իսրայելի ռազմածովային շրջափակման չորրորդ փուլը սկսվել է

Եմենի զինված ուժերը հայտարարել են Իսրայելի ռեժիմի դեմ ծովային շրջափակման չորրորդ փուլի մեկնարկի մասին՝ ի աջակցություն Գազայի ժողովրդի։

Եմենի զինված ուժերի խոսնակ Յահյա Սարին հայտարարել է, որ այս ուժերը կրոնական, բարոյական և մարդկային պատասխանատվություն են զգում դիմակայելու այս հանցագործություններին, որոնք պայմանավորված են Գազայի դեմ  շարունակական ագրեսիայով և պաշարմամբ։

Նա ասաց, որ այս փուլում Իսրայելի նավահանգիստների հետ համագործակցող ընկերություններին պատկանող բոլոր նավերը, անկախ նրանց ազգությունից կամ նպատակակետից, կենթարկվեն թիրախի՝ անկախ նրանից, թե որտեղ են դրանք հայտնվելու Եմենի ուժերի հասանելիության սահմաններում։

Եմենի զինված ուժերը զգուշացրել են բոլոր ընկերություններին անհապաղ դադարեցնել Իսրայելի նավահանգիստների հետ համագործակցությունը, հակառակ դեպքում նրանց նավերը կդառնան եմենական հրթիռների և անօդաչու թռչող սարքերի թիրախ՝ ցանկացած վայրում։

Յահյա Սարին ընդգծեց, որ այս միջոցառումները ձեռնարկվում են ի պատասխան Գազայի ժողովրդի ցեղասպանության, և Իսրայելի կողմից իրականացվող ագրեսիայի դադարեցման և պաշարման վերացման դեպքում, կդադարեցվեն նաև Եմենի ռազմական գործողությունները։