Ճգնաժամեր, որոնք չեն լքում Իսրայելը
Pars Today- Հոկտեմբերի 7-ի գործողություններից հետո սիոնիստական ռեժիմը բախվում է իր պատմության ամենածանր բազմակողմանի ճգնաժամերին, ճգնաժամեր, որոնք ընդգրկում են կանխարգելիչ ուժի կորուստ,հասարակական կարծիքի ճնշում, տնտեսական ճնշում, անվտանգային հարցեր և դիմադրության առանցքի ընդլայնում։
Ռեժիմը ներսում բախվում է հրեական ներգաղթի նվազման և Գազայում ու օկուպացված տարածքների հյուսիսում անապահովության տարածման խնդրին, իսկ արտերկրում նրա հանցագործությունների դեմ ակադեմիական և սոցիալական բողոքի ալիքը էլ ավելի է թուլացրել նրա դիրքերը։ Միևնույն ժամանակ, պատերազմի ծախսերի, գործարանների փակման, ապրանքների բոյկոտի և էներգետիկ ճգնաժամի պատճառով Իսրայելի տնտեսությունը գտնվում է «նախաաղետի» եզրին, իսկ պարտքի և ՀՆԱ-ի հարաբերակցությունը հասել է 70 տոկոսի։
Մարտական ճակատում, չնայած Գազայում տասնյակ հազարավոր պաղեստինցիների սպանությանը, դիմադրությունը շարունակում է ակտիվ մնալ և մեծ կորուստներ է պատճառում իսրայելական բանակին։ Հակամարտության տարածումը դեպի Արևմտյան ափ նույնպես ուժեղացրել է Թել Ավիվի վրա ճնշումը։
Ավելին, հակասիոնիստական դիմադրության գոտու ձևավորումը՝ Լիբանանի «Հեզբոլլահ»-ից մինչև եմենական ուժեր, իրաքյան խմբավորումներ և նույնիսկ Իրան, Իսրայելին դրել է աննախադեպ դժվարին իրավիճակում։ Այս իրավիճակը ցույց է տալիս, որ կառուցվածքային և շարունակական ճգնաժամերը առավել քան երբևէ սպառնալիքի տակ են դրել սիոնիստական ռեժիմի ապագան։