Ինչո՞ւ Նեթանյահուն ստիպված եղավ ընդունել Գազայի հրադադարը

Pars Today - «Սիոնիստական ​​ռեժիմի վարչապետ Բենյամին Նեթանյահուն ստիպված եղավ ընդունել Գազայի հրադադարը՝ համաշխարհային նողկանքի ալիքի և միջազգային ձերբակալության սպառնալիքի պայմաններում։

Al Jazeera Net լրատվամիջոցը հրապարակել է Մահմուդ Սոլթանի կողմից գրված վերլուծական հոդվածը, որտեղ բացատրվում են այն պատճառները, որոնք ստիպել են Սիոնիստական ​​ռեժիմի վարչապետ Բենյամին Նեթանյահուին համաձայնվել Գազայի պատերազմի դադարեցմանը։

Ինչպես հաղորդում է Pars Today-ը՝ հղում անելով Al-Alam հեռուստատեսությանը, վերլուծության մեջ նշվում է. պատճառներից մեկը, որ Նեթանյահուի ստիպված եղավ ընդունել հրադադարը, այն էր, որ նա իրեն միայնակ գտավ Միավորված Ազգերի Կազմակերպությունում և ատելի՝ աշխարհի կողմից։ Նեթանյահուն նաև հրաժարվեց թռչել Եվրոպայի երկնքով՝ վախենալով Միջազգային քրեական դատարանի կողմից տրված իր ձերբակալման օրդերի կատարումից։ Երբ Նեթանյահուն ելույթ էր ունենում  ՄԱԿ-ի Գլխավոր ասամբլեայում, պատվիրակությունները լքեցին դահլիճը, և նա հայտնվեց դատարկ դահլիճում։ Եվրոպական գործիչները բացահայտորեն մեղադրել են սիոնիստական ​​ռեժիմին ցեղասպանություն կատարելու մեջ, և ռեժիմի նկատմամբ զենքի էմբարգո սահմանելու կոչերը աճել են նույնիսկ Թել Ավիվի կողմնակից ամերիկացի դեմոկրատների շրջանում, ինչպիսին է ազգային անվտանգության նախկին խորհրդական Ջեյք Սալիվանը։

Այս տարվա (2025թ.) օգոստոսին 28 արևմտյան երկրներ Թել Ավիվին կոչ արեցին դադարեցնել Գազայում իր հանցագործությունները։ Այս պահանջներին ավելացան տարբեր երկրների և հաստատությունների կողմից սիոնիստական ​​ռեժիմի դեմ մշակութային, ակադեմիական և սպորտային պատժամիջոցներ կիրառելու սպառնալիքները․ Պատժամիջոցներ, որոնք իսրայելցի համալսարանի պրոֆեսոր Նիմրոդ Գորնին ստիպեցին խոստովանել, որ Գազայի պատճառով իսրայելցիների մեծ մասը զգում է, որ աշխարհն իրենց դեմ է։ Սա պատճառ դարձավ, որ  Իսրայելի նախկին վարչապետ Էհուդ Օլմերտը խոստովանի, որ «մենք դարձել ենք ատելի պետություն»։

Նեթանյահուի թույլ տված մեկ այլ սխալ, որը պատճառ դարձավ, որ նա  մենակ մնա, և ստիպեց նրան ընդունել հրադադարը, այն միտքն էր, որ ԱՄՆ նախագահ Դոնալդ Թրամփը նրան ոչինչ չի ստիպի անել և կաջակցի իրեն։ Սակայն որոշ ժամանակ անց Նեթանյահուն հայտնվեց Թրամփի ամենաուժեղ ճնշման տակ։ Սիոնիստական ​​ռեժիմի մտահոգությունը մեկուսացման վերաբերյալ այնքան մեծացավ, որ Նեթանյահուն զգուշացրեց, որ Թել Ավիվը պետք է տնտեսապես ինքնաբավ դառնա՝ իր մեկուսացմանը դիմակայելու համար։