Հակաիսրայելական հայտարարությունների պատճառով Ֆրանսիան պահանջել է  ՄԱԿ-ի զեկուցողի հրաժարականը

 Ֆրանսիայի արտաքին գործերի նախարարը կոչ է արել աշխատանքից ազատել Պաղեստինյան տարածքների հարցերով ՄԱԿ-ի հատուկ զեկուցողին՝ նրա վերջին հայտարարությունները անվանելով «անընդունելի և ամոթալի»։

ISNA-ի փոխանցմամբ՝  ի աջակցություն Սիոնիստական ռեժիմի, Ֆրանսիան պահանջել է պաղեստինյան տարածքների հարցերով ՄԱԿ-ի հատուկ զեկուցողի հրաժարականը։ Ֆրանսիայի արտաքին գործերի նախարարը հայտարարել է, որ խնդրանքը ներկայացվել է այն հայտարարություններից հետո, որոնք, ըստ Փարիզի, ուղղված էին Սիոնիստական ռեժիմին։
Ֆրանսիայի արտաքին գործերի նախարար Ժան-Նոել Բարոուն երկրի օրենսդիրներին ասել է. «Ֆրանսիան առանց որևէ վերապահման դատապարտում է Ֆրանչեսկա Ալբանեզեի կողմից արված ցնցող և անընդունելի հայտարարությունները. հայտարարություններ, որոնք ուղղված են ոչ թե Իսրայելի կառավարությանն, այլ ժողովրդին և բացարձակապես անընդունելի են»։
Ֆրանչեսկա Ալբանեզեն շաբաթ օրը Դոհայում «Ալ Ջազիրա»-ի կողմից կազմակերպված կոնֆերանսում խոսել է «ընդհանուր թշնամու» մասին, որը, ըստ նրա, հնարավոր է դարձրել Գազայում «ցեղասպանությունը»։ 
«Այն փաստը, որ Իսրայելը կանգնեցնելու փոխարեն, աշխարհի մեծ մասը զինել է նրան, տրամադրել քաղաքական արդարացումներ, քաղաքական ապաստան, տնտեսական և ֆինանսական աջակցություն», - ասել է նա և հավելել․ «Մենք, ովքեր չունենք մեծ ֆինանսական կապիտալ, ալգորիթմներ և զենքեր, հիմա տեսնում ենք, որ որպես մարդկություն ունենք ընդհանուր թշնամի»։
Երկուշաբթի օրն X-ում արած գրառման մեջ, Ալբանեզեն նշել է. «Մարդկության ընդհանուր թշնամին այն համակարգն է, որը հնարավոր դարձրեց Պաղեստինում ցեղասպանությունը»։
  Ֆրանսիայի արտաքին գործերի նախարարն ասել է, որ Ալբանեզեի մեկնաբանությունները լրացրել են իր «սկանդալային դիրքորոշումների երկար ցանկը»։ Նա մեղադրել է իտալացի իրավական փորձագետին 2023 թվականի հոկտեմբերի 7-ի սիոնիստական ռեժիմի դեմ հարձակումները «արդարացնելու» և «Իսրայելը Երրորդ Ռայխի հետ համեմատելու» մեջ։