Իրաքը բողոքում է Նաջաֆում ԱՄՆ ուժերի ուղղաթիռի վայրէջքի դեմ
Իրաքի համատեղ գործողությունների հրամանատարի տեղակալը հայտարարել է, որ երկիրը դեմ է Նաջաֆ Աշրաֆ նահանգում ամերիկյան ուժերին տեղափոխող ուղղաթիռի վայրէջքին։
Հղում անելով IRNA-ին, Pars Today-ը հայտնում է, որ գեներալ-մայոր Ղիս ալ-Մոհամմադավին ասել է. «Միջազգային կոալիցիային ներկայացված բողոքի նոտան ընդգծում է Իրաքի անվտանգությունը վտանգող ցանկացած ուժի ներկայության արգելք»։
Նա հավելել է. «Մենք զանգեր և տեղեկություններ ենք ստացել Նաջաֆ Աշրաֆի անապատներում և Քարբալա նահանգի սահմաններում մարդկանց ներկայության մասին, և ձևավորվել էգործողությունների հրամանատարության երեք ստորաբաժանումներից բաղկացած ուժ՝ հետաքննություն անցկացնելու համար»։
Ալ-Մոհամմադավին ասել է. «Տարածք մտնելուց հետո այս ուժերը ենթարկվել են ավիահարվածների, որոնց հետևանքով զոհվել է մեկ իրաքցի զինվոր, ևս երկուսը վիրավորվել են։ Իրաքում օտարերկրյա զորքերի ներկայության վերաբերյալ համաձայնություն չկա»։
Հարկ է նշել, որ Իրաքի երեք առաջնորդները դեմ են երկրի տարածքը որպես հարևան երկրների վրա հարձակումների բազա օգտագործելուն: Իրաքի նախագահի, վարչապետի և խորհրդարանի խոսնակի համատեղ հայտարարության մեջ ընդգծվում է, որ արգելվում է երկրի տարածքն օգտագործել այլ, մասնավորապես՝ հարևան երկրների տարածքների վրա հարձակվելու համար։