ՀԱՄԱՍ. Իրանն իրավունք ունի արձագանքել ագրեսիային
Թեհրանում ՀԱՄԱՍ-ի ներկայացուցիչը հայտարարել է․ «Իրանն ունի լիակատար իրավունք՝ դիմակայելու թշնամու ագրեսիային ցանկացած ձևով, որը համարում է նպատակահարմար»։
Pars Today-ի փոխանցմամբ Tasnim լրատվական գործակալությանը տված հարցազրույցում, անդրադառնալով ԱՄՆ-ի և Իսրայելի կողմից Իրանի վրա հարձակումների վերաբերյալ շարժման դիրքորոշմանը, Խալեդ Ղադդումին ասել է. «ՀԱՄԱՍ-ի դիրքորոշումը հստակ է։ Մենք դատապարտել ենք Իրանի և իրանցիների դեմ սիոնիստ-ամերիկյան դաժան և հանցավոր ագրեսիան»։
Նա հավելել է. «Ճշմարտությունն այն է, որ Իրանի պատասխանը այս ագրեսիային եղել և մնում է հզոր և համաչափ սիոնիստ-ամերիկյան թշնամու ամբարտավանության և անամոթության մակարդակին։ Հետևաբար, մենք կարծում ենք, որ Իրանն ունի լիակատար իրավունք՝ դիմակայելու այս ագրեսիային ցանկացած ձևով, որը համարում է նպատակահարմար»։
Ղադդումին ընդգծել է մուսուլմանական երկրների միջև դիրքորոշման միասնության անհրաժեշտությունը, հավելելով. «Այսօր անկասկած կարևոր է իսլամական Ումմայի, դիրքորոշման միասնություն։
Իսլամական աշխարհի բազմաթիվ գիտնականների, ինչպես նաև բազմաթիվ քաղաքական գործիչների և էլիտայի դիրքորոշումները ցույց են տալիս, որ իսլամական ումման ունի միասնության կարիք և ցանկանում է վճռականորեն և հաստատակամորեն առաջ շարժվել սիոնիստական ռեժիմի դեմ պայքարում»։