Թշնամու փակուղին և դիմադրության շարունակությունը․ «Հեզբոլլահ»-ը մերժեց ուղիղ բանակցությունները
Լիբանանի «Հեզբոլլահ»-ի գլխավոր քարտուղարը հայտարարել է, որ թշնամին փակուղու մեջ է, իսկ դիմադրությունը կշարունակվի ուժով և անհնար է դրա պարտությունը։ Շեյխ Նաիմ Ղասեմը երկուշաբթի օրը, կտրուկ մերժելով Սիոնիստական ռեժիմի հետ ուղիղ բանակցությունները, շեշտել է, որ Լիբանանի կառավարությունը պետք է հետ քաշվի նման գործընթացից և վերադառնա անուղղակի բանակցություններին։
Լիբանանյան պատասխանատուներին զգուշացնելով, նա ասել է, որ ազգային իրավունքներից ցանկացած զիջում վնաս է երկրի համար, և կառավարությունը պետք է վերադառնա ժողովրդի պահանջներին։ Ղասեմը հավելել է, որ դիմադրության զենքը ծառայում է ոտնձգություններին դիմակայելու և Լիբանանի գոյությունը պաշտպանելու համար, և այս ուղին կշարունակվի։
Լիբանանի «Հեզբոլլահ»-ի գլխավոր քարտուղարը միակ լուծումը համարել է՝ հարձակումների դադարեցումը, Իսրայելի դուրս գալը օկուպացված տարածքներից, ռազմագերիների ազատ արձակումը, տեղահանվածների վերադարձը և վերակառուցումը, ինչպես նաև կոչ է արել չեղարկել մարտի երկուսի որոշումը, որով դիմադրությունը քրեականացվում էր։ «Հեզբոլլահ»-ի գլխավոր քարտուղարը նաև ընդգծել է, որ դիմադրության դիմակայությունը հիմք է դարձել հրադադարի համար, և այս ուղին կշարունակվի ցանկացած սպառնալիքի պայմաններում։