Wall Street Journal. Իսրայելը գաղտնի ռազմական բազա է հիմնել Իրաքում
Wall Street Journal-ի տվյալներով՝ Իրանի դեմ իր լայնածավալ օդային գործողություններին աջակցելու նպատակով, Իսրայելը գաղտնի ռազմաբազա է հիմնել Իրաքի անապատներում։
Հակամարտության սկսվելուց առաջ Միացյալ Նահանգների տեղեկությամբ հիմնադրված բազայում տեղակայվել են իսրայելական հատուկ նշանակության ուժեր և փրկարարական ստորաբաժանումներ՝ հարձակման ենթարկված իսրայելցի օդաչուներին օգնելու համար։
Իրազեկ պաշտոնյաների խոսքով՝ Իսրայելից 1000 մղոն հեռավորության վրա գտնվող այս լոգիստիկ կենտրոնի տեղակայումը կարևոր դեր է խաղացել վերջին շաբաթներին Թել Ավիվի կողմից Իսլամական Հանրապետության ռազմական թիրախների դեմ հազարավոր ավիահարվածների կազմակերպման գործում։
Հոդվածում նշվում է, որ երբ մարտի սկզբին մի հովիվ հայտնել էր ուղղաթիռների կասկածելի տեղաշարժերի մասին, թաքստոցը բացահայտման եզրին էր։ Հաղորդումից հետո իրաքյան բանակը ուժեր է ուղարկել տարածքը ստուգելու, սակայն իսրայելական ուժերը կանխել են նրանց մուտքը գաղտնի վայր՝ իրաքցի զինվորների վրա ծանր ավիահարվածներ հասցնելով, որի հետևանքով զոհվել է մեկ իրաքցի զինվոր և վիրավորվել երկուսը։