Economist. Իրանի դեմ շարունակվող պատերազմը կքայքայի Պարսից ծոցի շեյխերի տնտեսությունը
Բրիտանական Economist շաբաթաթերթը զգուշացրել է, որ ԱՄՆ-ի և սիոնիստական ռեժիմի կողմից Իրանի դեմ պատերազմի հետևանքով առաջացած ճգնաժամի շարունակությունը, մինչև ընթացիկ ամառվա վերջը, կարող է լուրջ վնաս հասցնել Պարսից ծոցին սահմանակից արաբական երկրների տնտեսություններին:
Պարբերականը գրում է, որ հակամարտությունների համեմատական դադարեցումը չի նշանակում կայունության վերադարձ, և որ Հորմուզի նեղուցում նավերի երթևեկության կտրուկ նվազումը տարածաշրջանի տնտեսությունը պահում է անորոշության մեջ:
Հաղորդագրության համաձայն՝ պատերազմի սկսվելուց ի վեր Սաուդյան Արաբիայի նավթի արտահանումը նվազել է մոտ մեկ երրորդով, իսկ ԱՄԷ-ի արտահանումը կիսով չափ կրճատվել է: Բահրեյնը, Քուվեյթը և Կատարը նույնպես բախվել են էներգիայի արտահանման գրեթե լիակատար դադարեցման. մի խնդիր, որը լուրջ ճնշման տակ է դրել այս երկրների նավթի և գազի արդյունաբերությունը:
Pars Today-ի փոխանցմամբ՝ միևնույն ժամանակ, ամերիկյան CNBC ցանցը հայտարարել է եվրոպական ֆոնդային շուկաներում անկման միտման մեկնարկի մասին: Ցանցը որպես պատճառ նշել է ԱՄՆ-ի և Իրանի միջև հրադադարի խափանման և Մեծ Բրիտանիայում քաղաքական լարվածության աճի վերաբերյալ մտահոգությունները: Այս զարգացումներից հետո ֆունտի և բրիտանական բանկերի բաժնետոմսերի արժեքը նույնպես նվազել է, և ավելացել են մտահոգությունները Արևմտյան Ասիայում շարունակվող լարվածության տնտեսական հետևանքների վերաբերյալ։