Իսրայելի օդային հարվածները Գազայի հատվածում փախստականների վրանների վրա

Pars Today-Մի քանի պաղեստինցիներ նահատակվել են Գազայում պաղեստինցի փախստականների վրանների վրա Իսրայելի ռեժիմի օդային հարվածի հետևանքով։

Pars Today-ը հղում անելով Իրանի ռադիո-հեռուստատեսության կազմակերպության լրատվական գործակալությանը հայտնել է, որ լրատվական աղբյուրները հայտնել են երկու պաղեստինցիների, այդ թվում՝ մեկ երեխայի, նահատակվելու և ևս 20-ի վիրավորվելու մասին Գազայի հատվածի հարավում գտնվող Խան Յունիսի արևմուտքում,  Իսրայելի ռեժիմի կողմից իրականացված օդային հարվածի հետևանքով։

Հարձակման թիրախը պաղեստինցի փախստականների վրաններն էին, և վիրավորների մեծ մասը կանայք և երեխաներ են։ Վիրավորներից մի քանիսը, ըստ տեղեկությունների, գտնվում են ծանր վիճակում։

Գազայի հատվածի առողջապահության նախարարության կողմից հրապարակված վիճակագրության համաձայն՝ Իսրայելի ռեժիմի կողմից 2025 թվականի հոկտեմբերի 10-ին ուժի մեջ մտած հրադադարի համաձայնագրի շարունակական խախտումների հետևանքով զոհվել է 904 պաղեստինցի, իսկ վիրավորվել՝ 2713-ը։

Այս համաձայնագիրը կնքվել է Իսրայելի օկուպացիոն ռեժիմի կողմից 2023 թվականի հոկտեմբերի 7-ին սկսված պատերազմից երկու տարի անց։ Պատերազմ, որը, ՄԱԿ-ի գնահատականներով, հանգեցրել է ավելի քան 72,000 պաղեստինցիների նահատակության և ավելի քան 172,000-ի վիրավորման, և քաղաքացիական ենթակառուցվածքների 90 տոկոսի լայնածավալ ոչնչացման։