Իսրայելը շարունակում է խախտել հրադադարը․ «Հեզբոլլահը» նախազգուշացրել է
Սիոնիստական ռեժիմը հերթական անգամ խախտել է հրադադարի պայմանները՝ հարվածներ հասցնելով Լիբանանի հարավային շրջաններին։ Հաղորդվում է, որ ռեժիմի ռազմական ինքնաթիռները ռմբակոծել են Մեյֆդուն բնակավայրը, իսկ անօդաչու թռչող սարքը հարվածել է Բենթ Ջբեյլ շրջանի Ֆրուն բնակավայրի մերձակայքին։
Հարվածների հետևանքով պատճառված վնասների կամ հնարավոր զոհերի վերաբերյալ առայժմ տեղեկություններ չեն հրապարակվել։
Հղում անելով Իրանի հեռուստառադիոընկերությանը, Pars Today-ը հաղորդում է, որ Լիբանանի առողջապահության նախարարության տվյալներով՝ վերջին չորս ամիսների ընթացքում Իսրայելի հարձակումների հետևանքով զոհվել է 4247 մարդ, 12 195-ը վիրավորվել են։
«Հեզբոլլահը» մի հայտարարությամբ դատապարտել է Իսրայելի կողմից հրադադարի շարունակական խախտումները։ Շարժումը նշել է, որ ուշադիր հետևում է ռազմաճակատային զարգացումներին և իրեն վերապահում է Լիբանանն ու երկրի բնակչությանը պաշտպանելու իրավունքը։
Հայտարարության մեջ նաև նշվել է, որ հարձակումների թիրախ են դարձել Նաբաթիեի, Մեյֆդունի և Ֆրունի բնակելի շենքերը, իսկ մի շարք այլ բնակավայրերում շարունակվել են ավերածությունների գործողությունները։