Նեթանյահու․ Իսրայելը արդեն այս տարի կհրաժարվի ԱՄՆ-ի ֆինանսական օգնությունից
Թել Ավիվը կարող է արդեն այս տարի հրաժարվել Վաշինգտոնի օգնությունից, քանի որ Իսրայելի տնտեսությունը բավականաչափ ուժեղ է՝ ինքնուրույն գոյատևելու համար։ Այս մասին հայտարարել է Իսրայելի վարչապետ Բենիամին Նեթանյահուն։
«Ես ուզում եմ դադարեցնել ամերիկյան օգնությունը։ Դա նման է սոցիալական նպաստի. ինձ դա պետք չէ», — News18 պորտալը մեջբերում է Նեթանյահուի խոսքերը։
Իսրայելի վարչապետը հավելել է, որ ցանկանում է, որպեսզի ամերիկյան օգնությունից հրաժարվելու գործընթացը սկսվի այս տարի։
Politico թերթը հունիսի 27-ին հայտնել էր, որ Իսրայելը բախվում է աճող միջազգային մեկուսացման, չնայած Իրանի դեմ ԱՄՆ-ի հետ վերջերս իրականացված համատեղ ռազմական գործողություններին։ ԱՄՆ-ի փոխնախագահ Ջեյ Դի Վենսը ընդգծել է, որ Իսրայելը պետք է գիտակցի, որ Միացյալ Նահանգների հատուկ դաշնակցի իր կարգավիճակն այլևս երաշխավորված չէ։
ԱՄՆ-ի նախագահ Դոնալդ Թրամփը հունիսի 19-ին հայտարարել էր Նեթանյահուին «ողջախոհ պահելու» անհրաժեշտության մասին՝ չնայած նրանց միջև լավ հարաբերություններին։
