Անսարալլահ. Բաբ ալ-Մանդաբ նեղուցը լիովին փակ է սաուդյան նավագնացության համար
Եմենի Անսարալլահ շարժման քաղաքական բյուրոյի անդամը հայտարարել է, որ Բաբ ալ-Մանդաբ նեղուցը լիովին փակ է սաուդյան նավագնացության համար և զգուշացրել է, որ ԱՄՆ-ի կամ Սաուդյան Արաբիայի կողմից լարվածության ցանկացած սրացում կհանդիպի եմենական ուժերի կողմից փոխադարձ պատասխանի։
ParsToday-ի փոխանցմամբ՝ Մոհամմադ ալ-Բախիտին «Ալ-Մանար» հեռուստաընկերությանը տված հարցազրույցում հայտարարել է, որ պատերազմի մեջ ԱՄՆ-ի մտնելը Սաուդյան Արաբիայի հետ միասին Վաշինգտոնի շահերից չի բխում, և եթե նման սցենար տեղի ունենա, Անսարալլահը դա համարում է ԱՄՆ շահերը թիրախավորելու առիթ։
Նա նաև ընդգծել է, որ Դիմադրության առանցքի երկրները պատրաստ են դիմակայելու սիոնիստական ռեժիմին։ Ավելի վաղ Եմենի փոխարտգործնախարարը հայտարարել էր, որ ԱՄՆ-ն չի կարողացել հասնել Եմենի դեմ իր նպատակներին, և որ շրջափակման ու սաուդյան ճնշման շարունակականությունը մեծ գին կարժենա այդ երկրի տնտեսության համար։