Եմենի բանակ. Կարմիր ծովում հարվածել ենք Սաուդյան Արաբիայի ռազմական նավին

Եմենի զինված ուժերի խոսնակը հայտնել է Կարմիր ծովում Սաուդյան Արաբիայի ռազմական նավի և դրան ուղեկցող չորս նավակների ուղղությամբ հրթիռային հարձակման մասին։

«Pars Today»-ի հաղորդմամբ՝ «Tasnim»-ին հղումով, Յահյա Սարիին հայտարարել է, որ Եմենի զինված ուժերը մի քանի բալիստիկ հրթիռներով հարվածել են Սաուդյան Արաբիայի ռազմական նավին և դրան ուղեկցող չորս նավակներին՝ Ալ-Մոխա քաղաքի ափերի մոտ։

Նա պնդել է, որ հարձակումը ուղղակիորեն խոցել է թիրախները, ինչի հետևանքով նավն ամբողջությամբ այրվել է, մի շարք նավակներ խորտակվել են, իսկ մյուս նավակները վնասվել են։

Սարին ընդգծել է, որ Եմենի ուժերը ցամաքում և ծովում հետևում են Սաուդյան ուժերի տեղաշարժերին և զինտեխնիկային և շարունակելու են հարվածներ հասցնել նրանց։