Իսրայելը նոր հարձակումներ է իրականացրել հարավային Լիբանանի բնակավայրերի վրա

Իսրայելի ռազմական ինքնաթիռները Լիբանանի դեմ նոր հարձակումների ընթացքում թիրախավորել են երկրի հարավային հատվածի բնակելի շրջանները։

Հղում անելով Mehr գործակալությանը  Pars Today-ը հաղորդում է, որ հինգշաբթի երեկոյան Իսրայելի բանակը ռմբակոծել է Լիբանանի հարավում գտնվող Միս ալ-Ջաբալ բնակավայրը, ինչպես նաև Նաբաթիեի շրջանում գտնվող Արաբ Սալիմը։

Լիբանանի պաշտոնական լրատվական գործակալությունը հայտնել է նաև, որ Իսրայելի բանակը Սուր քաղաքի հարավային հատվածում լայնածավալ պայթեցման գործողություն է իրականացրել, իսկ Մարջայունի շրջանում ավերել է բնակելի տներ։

Միևնույն ժամանակ, Իսրայելի բանակի հրետանին գնդակոծել է հարավում գտնվող Ալ-Խարդալի ճանապարհը։

Լիբանանյան աղբյուրները հայտնել են նաև հարավային Լիբանանի Բեյթ ալ-Սիադ բնակավայրում իսրայելցի զինվորների կողմից իրականացված հզոր պայթյունի մասին։