Չուրկին. Հալեպի հարցով Անվտանգության խորհրդի նիստի նպատակն ահաբեկիչներին պաշտպանելն է
ՄԱԿ-ում Ռուսաստանի ներկայացուցիչը Հալեպ քաղաքի իրավիճակի քննարկմանը նվիրված Անվտանգության խորհրդի չորեքշաբթի օրվա նիստում հայտարարել է . «Նիստ գումարելու Ֆրանսիայի դիմումն ահաբեկիչներին փրկելու համար ապարդյուն ջանք է»:
Համաձայն Իրանի Ռադիո-հեռուստատեսության լրատվական գործակալության հաղորդման, ՄԱԿ-ում Ռուսաստանի ներկայացուցիչ Վիտալի Չուրկինի ընդգծմամբ, ԱՄՆ-ն ու Բրիտանիան մոռացել են, որ Սիրիան ահաբեկչական խմբերի ապաստարանն է դարձել: «Արևմուտքը ահաբեկիչների օգնությամբ նպատակ ունի կործանել Սիրիայի համակարգը»:
«Հալեպի արևելքում հումանիտար վիճակի մասին Ֆրանսիայի ու Բրիտանիայի մտահոգությունը Սիրիայի նախագահ Բաշար Ասադի իշխանության կործանման նպատակն է հետապնդում և Անվտանգության խորհրդի նիստն ահաբեկիչներին պաշտպանելու համար ապարդյուն ջանք է»,-հայտարարել է ՄԱԿ-ում Ռուսաստանի ներկայացուցիչը:
Քննադատելով Սիրիայի ճգնաժամում Ռուսաստանի դերակատարության մասին Սիրիայի հարցերով ՄԱԿ-ի հատուկ ներկայացուցիչ Ստեֆան Դի Միստուրայի հայտարարություններն ու ճգնաժամին վերջ տալու նրա նախագիծը, Չուրկինը հավելել է. «Նա մոռացել է Սիրիայի ճգնաժամի համար քաղաքական լուծում գտնելու իր առաքելությունը»:
Վերջին օրերին սիրիական ու դիմադրության ուժերի գործողությունների արդյունքում ահաբեկիչները ռազմավարական նշանակություն ունեցող Հալեպ քաղաքում լիարժեք պարտության սեմին են գտնվում:
