ԻԼԻՊ-ը Մոսուլում շարունակում է ոճիրներ գործել
ԻԼԻՊ ահաբեկչական խմբավորման անդամները Մոսուլ քաղաքում սպանել են 15 երեխաների: Այդ մասին հաղորդում է Իրանի Ռադիոհեռուստատեսության լրատվական ծառայությունը, հղում անելով Մոսուլ քաղաքի անվտանգության աղբյուրներին:
Իրաքի հյուսիսում շարունակելով խաղաղ բնակչության դեմ իրենց ոճրագործությունները , ԻԼԻՊ-ի ահաբեկիչները կրակ են բացել 15 երեխաների ուղղությամբ ,որոնք փորձում էին ահաբեկիչներից պաշտպանվելու համար գնալ Իրաքի անվտանգության ուժերի մոտ:
Ավելի վաղ ԻԼԻՊ ահաբեկչական խմբավորումը մի տեսանյութ էր տարածել, որը ցույց էր տալիս այն 200 երեխաների սպանությունը, որոնք ընդդիմացել ու չէին միացել խմբավորմանը:
Ահաբեկիչներն ամենավայրագ միջոցներով փորձում են կանխել խաղաղ բնակիչների ,այդ թվում երեխաների ելքը իրենց տիրապետության տակ գտնվող տարածքներից:
Մոսուլում ԻԼԻՊ-ի ահաբեկիչները չեն կարողանում պայքարել անվտանգության ուժերի դեմ, ուստի խաղաղ քաղաքացիներին, մասնավորապես երեխաներին, օգտագործում են որպես կենդանի վահան:
