Նասրոլլահ. Լիբանանում սադրանքների հեղինակները կոչնչացվեն հենց իրենց սադրանքների միջոցով
Լիբանանի Հեզբոլլահի գլխավոր քարտուղար Սեյեդ Հասան Նասրոլլահն ուրբաթ գիշեր այդ երկրի վերջին զարգացումների կապակցությամբ ելույթում անդրադառնալով Լիբանանի Հեզբոլլահի և նախագահ Միշել Աունի միջև պառակտում առաջացնելու ուղղությամբ որոշ երկրների ջանքերին ընդգծել է, որ Հեզբոլլահը սերտ կապեր ունի Միշել Աունի հետ:
«Ալ-Ալամ»-ի հաղորդման համաձայն, Լիբանանի Հեզբոլլահի գլխավոր քարտուղարը հերքել է Սաըդ Հարիրիի գլխավորությամբ Լիբանանի նոր կառավարության ձևավորման ճանապարհին որոշ խմբերի կողմից խոչընդոտներ ստեղծվելու մասին հայտարարությունը: «Կառավարության ձևավորման ճանապարհին ծագած խնդիրներից շատերը կարգավորված են». ասել է նա:
«Նախարարներից շատերի անունները հայտնի են և միայն մեկ կամ երկու նախարարությունների վիճակն է անորոշ»,-հավելել է Նասրոլլահը:
Լիբանանի Հեզբոլլահի գլխավոր քարտուղարն ընդգծել է. «Միշել Աունի Լիբանանի նախագահ ընտրվելով նոր հնարավորություն է ստեղծվել, որպեսզի Լիբանանը հայտնվի ամենալավ պայմաններում»:
«Տարածաշրջանը նոր փուլ է մտել և շատ նախագծեր ու սադրանքներ ձախողում են, հետևաբար լիբանանյան քաղաքական խմբերը պիտի համագործակցեն»,-հայտարարել է Լիբանանի Հեզբոլլահի գլխավոր քարտուղարը:
Լիբանանի Հեզբոլլահի գլխավոր քարտուղարը շնորհավորելով առջևում գտնվող իսլամական ու քրիստոնեական տոների և հատկապես Մոհամմեդ մարգարեի և Հիսուս Քրիստոսի ծննդյան տոների կապակցությամբ, ասել է. «Տարածաշրջանի մուսուլմաններն ու քրիստոնյաները կանգնած են մարտահրավերների ու սպառնալիքների առջև: Եվ այդ սպառնալիքները Պաղեստինում, Իրաքում, Սիրիայում, Նիգերիայում ու այլ տարածքներում թիրախ են դարձրել իսլամական ու քրիստոնեական սրբությունները, որոնց շարքն է դասվում Պաղեստինում սիոնիստ թշնամու կողմից ազանի հեռարձակման արգելումը»:
