Լավրովն ու Չավուշօղլուն քննարկել են իրավիճակը Հալեպում

Թուրքիայի արտգործնախարար Մևլյութ Չավուշօղլուն և իր ռուս գործընկեր Սերգեյ Լավրովը քննարկել են իրավիճակը Հալեպում և Սիրիայի հարցով Մոսկվայում դեկտեմբերի 27-ին կայանալիք եռակողմ (ՌԴ-ի, Թուրքիայի և Իրանի ԱԳ նախարարների մասնակցությամբ) հանդիպման նախապատրաստությունը։

Այս մասին հայտնել է թուրքական արտաքին քաղաքական գերատեսչության ներկայացուցիչը։

«Այսօր կայացել է մեր նախարարի հեռախոսազրույցը Ռուսաստանի արտործնախարար Սերգեյ Լավրովի հետ։ Նախարարները քննարկել են իրավիճակը Հալեպում, քաղաքի բնակիչների տարհանումը, ինչպես նաև նախապատրաստությունը Մոսկվայում Սիրիայի հարցով ՌԴ-ի, Թուրքիայի և Իրանի ԱԳ նախարարների մասնակցությամբ ծրագրված հանդիպմանը»,-ասել է գործակալության զրուցակիցը։

http://armedia.am/